Manatu o le Fa’atonu - Malo lava, H.R.P.P!

228 Hits

Tusia - Mata’afa Keni Lesa

Faaliliu e Seagaitumua Tupuola


O le Asŏ-o se aso faapitoa lea. Tama’ita’i e ma alii, ua tatou i luga nei o gaga o se vaitau fou i polokiki a Samoa.

O se vaitau lea o le pule aoao a le Vaega Faa-upufai o loo faafoeina le malo o le Vaega e Puipuia Aia Tatau a Tagata (H.R.P.P.) ona ua na kiki uma i fafo mea sa faalavelave i lo latou  ala i le Aso Faraile i le faagasologa o le Faiga-Palota Lautele. O le mea moni, o le manumalo e faavae i luga o le malosi o le pati ma faiga faavae poto e le’i i ai muamua, atonu e le’i faalogina foi i soo se isi lava nofoaga i le lalolagi. O le faapea la ua faato’ilaloina le Tautua Samoa Party e le o se tala atoatoa lea. 

O le mea moni e faapea atonu ua kiki i latou e le H.R.P.P i se nofoaga e le toe iloa ai, atonu ua faavaivaia ai sia mea a’o i luga o lona ala ina ia le mafai ai ona tatou toe faalogo ia i latou. Ae peitai-o le Tautua ua na o se mea talu ai nei lava lea.   O le mea lea, i le taimi nei, tu’u mai i matou se’i o matou toe faamalo atu i le Palemia o Tuilaepa Sa’ilele Malielegaoi mo lana ta’ita’iga ma le silasila mamao. 

Ata ia te ia pe alofa ia te ia, e faigata ona teena le faapea o ia o se tagata uiga ese. E leai se finauga o ia o se tasi o tagata polokiki e sili ona poto o loo i le paneta o le lalolagi i aso nei. Ua matou fai atu faapea talu ai- o ai lava se isi tagata e ono mafai ona agavaa e ‘ausia sea mea faigata i aso nei ma le soifuaga nei? 

O le mea moni, e leai lava se isi tagata na te mafai ona mafaufauina sea fuafuaga uiga ese taulu polokiki.  I soo se isi lava nofoaga i le lalolagi nei e pule ai le pati e tasi ma se maopoopoga faapea, e ono tupu mai le feitaga’i ma le leai o se tulafono i luga o ala tetele. 

Ae peitai iinei i le matagofie o Samoa, e leai se mea faapena.  E uiga ese ona o nei mea uma ua uma ona ‘ausia i se tulaga filemu uiga ese.

Ae o le mea e ese ai na tatou maua i le Aso Faraile o le faitau afe ma afe o tagata palota laumata fiafia i le faagasologa atoa e tau lava i fale palota ma faaalia ai lo latou faamaonia e le fesiligia o le Palemia o Tuilaepa ma le H.R.P.P. O lona taunuuga-e ui lava ina mafai ona valo’ia e le toatele-ae o se mea tulaga ese lea mo le malo. Ona o lea itu, o le a toa maua le isi a tatou lima tausaga ma le H.R.P.P.e tu i le foe. 

A finagalo ai le Atua tatou te taunuui le isi Faiga-Palota Lautele, o iina o le a maua ai le 39 tausaga o le nofoaiga a le H.R.P.,P. Faatasi ai ma le nofo mai o Tuilaepa e avea ma Palemia mo le sili atu i le 20 tausaga.  O ni fuainumera uiga ese ia, tamaitai e ma alii.

O le uiga lea o la matou faamatalaga pe a matou talanoa i le amataga o se vaitau fou.O le toe tusia lenei e Samoa o tusi o le tala faasolopito. O le tafa lea o ata o le mea e aupito i sili ona faamatalaina o le ‘temokalasi faa-Samoa.’ I le vaai a le lalolagi i fafo e ono foliga mai e peiseai e le o se mea lelei lea ae o se faamaoniga lenei o se setete faa-temokalasi e pulea e le pati e tasi. Afai e te fia iloa, e mafai ona matou ta’u atu e faapea o pusa uma lava ua uma ona faatumu.  

Ua uma la tatou palota sa’oloto ma le amiotonu, sa ia i tatou faailoilo uma lava o mea tou te mana’omia i totonu o se temokalasi. Ma afai tou te silasila i le taunuuga ma faapea o se faiga pule toatasi lea pe a fua i le leai  o se itu agai aloa’ia i totonu o le Palemene, pau lava o le mea tou te mana’omia o le faitau lea o manatu faaalia o Tuilaepa i le itulau 3 o le nusipepa o loo e faitauina. 

E sa’o lelei, e tele faiga e sae ai le pusi. 

O Samoa lenei. O Samoa to’afilemu ma le faa-temokalasi.

O le tulaga uiga ese, a tilotilo i fuainumera mai le Aso Faraile, o loo i ai faailoilo lelei mo tagata e mana’omia se suiga.  E ui lava ina o le suiga e tusa ai ma vaega faa-polokiki e le tatau ona tupu mai-ma ua tatou iloa e leai se faiga e ono tupu mai ai lea tulaga-o le numera o Sui Usufono fou o le Palemene o loo faailoa mai ai le tala.  E 24 Sui Usufono fou o le Palemene. O lona uiga e 24 Sui Usufono na nofoia ia nofoa i le lima tausaga ua mavae-ua aveeseina. E le o se numera itiiti lena. Toetoe lava o le ‘afa lea o le Palemene. 

O le a le mea o loo ta’u mai e lena tulaga ia i tatou? O i ai se loesona i lea tulaga? 

O le a le fe’au o loo ta’u mai e ia fuainumera ia i tatou? 

Ae mo le 44 a le H.R.P.P’s – atonu a faaopoopo i ai le 2 i le taimi nei-ona o lea ua maua e le Tautua se sui faipule lona tolu-matou te mautinoa lelei ua tatou faia se tala faasolopito.. 

II ni nai vaiaso o lumana’i ai, o le a faalauiloa ai e le Palemia o Tuilaepa sui o lana Kapeneta fou. O le a 13 Minisita o lana Kapeneta.O sui o loo totoe ai o le H.R.P.P.o le a avea ma ituaiga o Minisita Lagolago.

O Oe ma A’u, o tagata totogi lafoga e leai ni leo, tagata palota laumata ataata o le  latou tuuina mai miliona ma miliona e totogi ai latou. Mo le isi lima tausaga. Ae peitai, aua e te faitio i le taimi nei, o le faiga-malo lenei na outou manana’o i ai. O le mea lenei na outou malilie i ai. O le mea faa-temokalasi, talafeagai lelei ma le tulafono ma e na o Samoa e mafai ai. O le mea lea-mafuta mai ia i matou i le asŏ e patipatia le amataga o se vaitau fou mo Samoa. O le umi o le taimi o le ‘tupulaga a le H.R.P.P.’ o lea faatoa tuuina atu i ai se faauigaina fou atoatoa. .

Ia outou maua se Aso Sa e mapu lelei ai Samoa, ia fesoasoani mai le Atua ia i tatou!

 


© Samoa Observer 2016

Developed by Samoa Observer in Apia