Tatala aloa’ia le Auaunaga a Eveni Pacific i Iapani

91 Hits

O le Aso To’ana’i na se’i mavae atu nei sa tatala aloa’ia ai se lālā fou a le Eveni Pacific i totonu o le atunu’u o Iapani.

O lenei lālā o lo’o i totonu o le vaega a le Spa Resort Hawaiians Hotel i totonu o le taulaga o Iwaki i Fukushima, Iapani.

Sa mafai ona auai atu ai le Amapasa o Samoa i Iapani o lo’o aumau i Tokyo o Fa’alava’au Perina Sila – Tualaulele, o lona to’alua o Tupa’i Leta Tualaulelei ma lo la alo o Lorenzo 

I luga o le facebook sa ta’ua ai e Amapasa Fa’alava’au o lenei fa’amoemoe o le iuga lea o le galuega faigata ma le galulue fa’atasi o ē na fa’avaeina mai lenei fale i se taimi ua leva.

Sa ia ta’ua ai fo’i e lua tausaga talu ona fa’atalanoaina lenei fa’amoemoe a’o lenei ua tino mai.

Sa ia ave fo’i lana fa’amalo i le kamupanī malosi o le Eveni ona o le finau i mea lelei lea ua tino mai ai lenei galuega.

Ua mafai ai e tagatānu’u o Iapani ona latou maolimauina le matagofie o manau a Samoa ma mafai ai ona o’o atu ai le auanaga a le Eveni i atunuu mama.

© Samoa Observer 2016

Developed by Samoa Observer in Apia