Tautoga e Auauna ai

294 Hits

Le Afioga i le Faamasino Sili, Patu Tiava'asue Falefatu Sapolu, i le taimi o le Fa’a-tauto-ina o Tuiloma Pule Lameko ma Le Mamea Ropati Mualia.

Le Afioga i le Faamasino Sili, Patu Tiava'asue Falefatu Sapolu, i le taimi o le Fa’a-tauto-ina o Tuiloma Pule Lameko ma Le Mamea Ropati Mualia.

O le aso ananafi na fa’atautoina ai Sui Mamalu o le Fono Sui Tofia, afioga  Tuiloma Pule Lameko ma le afioga, Le Mamea Ropati Mualia i luma i Lana Afioga i le Fa’amasino Sili, Patu Tiava’asu’e Falefatu Sapolu.

E silia ma le selau e na mafai ona auai mo lea fa’amoemoe ma na auai ai ma Lana Afioga i le Ao Mamalu o le Malo o Samoa, Afioga Tui Atua Tupua Tamasese Efi.

Na aofia ai i lea fa’amoemoe le fa’atautoina o nisi ua toe se’ei ma nisi fou ua avea ma Ta’iulu o Matagaluega a le malo.

O le afioga i le Palemia, Tuilaepa Sa’ilele Malielegaoi na saunoa e fa’afetaia ma fa’amanuia sui mamalu uma na fa’atautoina mai o latou tofi ma na ia fa’amanatu ai e fa’apea o vala’auina uma e aumai i le Atua.

“Ou te toe fa’amanatu o tofiga uma  ua tatou i ai nei o vala’auina uma” o lana saunoaga lea.

 “O vala’auina uma nei e ao ona fa’atinoina i le mea e gata ai le mafai aua o lo tatou sao taua lea e auauna ai i tagata o le atunu’u.

Na ia saunoa fo’i i e ua tofia ina ia talitonu  ma fai ni suiga.

 “E tele lu’itau”

“Aua nei o tatou fiu gofie, aua le tami i ala umi, a ia to’a pe a va’ai atu e umi le ala, afai e te pau ia toe tu mai luga…a pogisa tele aua le fiu aua o lo’o silasila pea le Atua ma ua na’o ia e fa’amasino.

Na fa’ailoa le agaga fa’afetai i le afioga i a Tuiloma Pule Lameko ona o le tofiga.

E aofia ai tofiga na fa’atautoina; o le Pule o Matagaluega o Feso’ota’iga ma Fa’amatalaga Fa’atekonolosi, Tuaimalo Asamu Ah Sam, Peseta Noumea Simi mo le Matagaluega o le Va-i-Fafo, Polofesa Lau Asofou So’o  o le Iunivesite Aoao o Samoa, Unutoa Auelua, Elita To’oala mo Matagaluega o le Malo, Lavea Tupaimatuna Iulai Lavea mo le Matagaluega o Tupe, Avalisa Viali Fautuaalii o le Matagaluega o Lafoga, Su’a Poumulinuku Onesemo mo le Matagaluega o Galuega, Peseta Margaret Malua mo Leipa, Karoline Afamasaga Fuatai o le Matagaluega o Aoga, Papali’i John Taimalelagi Afele o le Matagaluega o Fa’amasinoga, Naea Beth Onesemo Tuilaepa mo le Matagaluega o Tina ma Agafeso’ota’i ma Agafili Shem Leo mo le Matagaluega o le Palemia ma le Kapeneta.

© Samoa Observer 2016

Developed by Samoa Observer in Apia