Va’aia le taugatā o le soifuaga

Tusia Vatapuia Maiava ma Ilia L Likou ,

123 Hits

Talaleu Leava, o le afio’aga i Levi Sale’imoa.

Talaleu Leava, o le afio’aga i Levi Sale’imoa.

O le talitonuga o  le tinā i a Talaleu Leava, o le afio’aga i Levi Sale’imoa e fa’apea - ‘o le tele lava o le taimi ua va’aia le taugatā o le soifuaga aemaise o le lē tagolima o le to’atele o nai o tagata.

“O le ala fo’i lea o lo’u galue ai o a’u ia  i totonu o lo’u aiga i fe’au masani  e pei o le mea’ai, o tagamea, o le tapenaina o le lapisi,  o le faiga o le togala’au ae o le tele lava o isi taimi ou te alu fa’apa’u le koko mo le fa’atauina atu ona o le fesoasoani lava i le aiga.

“Ia e $10 le ipu lapo’a ae o le ipu laititi e $5 o lo’o tele ina ou fa’atauina ai le koko aua ua  maitauina ma le fa’anoanoa le taugata o le soifuaga.

 “O le galuega o lo’o ua fai nei o le tuli lava o faleoloa taugofie, ia e 2 pauna suka e $2 ma le $3 aua e le suamalie se ki i le 1 le pauna suka lea $1.50.

“Ia o tamaiti e omai ma mea’ai mai Apia aua e faigaluega nisi o fanau, ia se’iloga lava e fika aku fo’i lele ua leai se fuata koko ia ona omai lea ma fa’atau.

“O lo’o tuli mai fo’i lava e le to’atele uta nei mo le fa’atauina o koko ia e $1.50 le ipu fai’au ia a taga lapoa ia ua ave le $300 i le $200 i le taga.

“E fuafua lelei lava aua a avatu e sikuea mamao latou ae oti ai ita lea e fa’atau atu koko.

“Ia o le maitau atu i ai e maua mai loa tupe alu loa, e laititi lava le tupe e alu i le aiga, ia ae alu lava le nu’u, ekalesia ma le mau fa’alavelave.

“O a’u la ia  e ave la’u fa’amuamua i la’u fanau aoga, se’i vagana ua uma ona totogi pili a si a’u tama lea e ave ai lava la’u fa’amuamua, ia ona soso’o atu ai lea i le Ekalesia aua e maua mai ai fa’amanuiaga i le ekalesia ae o le nu’u ia e ta’atia nisi mea e fai mulimuli. 

“O le tele lava o taimi e le tagolima nai o tatou tagata...ia a leai se pasese o si a’u tama (tama a lana tama) ia ua ou alu fa’atau le koko e su’e ai sona pasese aua e omai totogi le ‘au faigaluega ia ua ta’atitia atu vaega e alu ai.

“E laiti fo’i totogi, aua o le mea lea e tupu na o le maua mai lava o tupe titilo ai uma, ia o vaega nei o lo’o fesoasoani i le tausiga o le  aiga, o le koko, ia o nai kapisi  ia o pi, ma nisi lava o nai ma’umaga.

“Ia o le  taumafai lava e fesoasoani i le aiga, ua tele ina   le tagolima  le soifuaga, ia o nisi taimi fai mai lo’u to’alua ua mativa, ae ou te fa’amalosi lava i le tamā e aua le popole o lo’o fa’asoa mai lava le Atua. 

“O a’u galuega e amata mai lava i le lima i le taeao se’ia o’o le afiafi.

© Samoa Observer 2016

Developed by Samoa Observer in Apia