E tupe vave le sami!

By Vatapuia Maiava ma Ilia L Likou 05 October 2016, 12:00AM

E maua le avanoa o le Fofoga o Samoa e fa’atalatalanoa ai le tamā i a Naea Ulaulā, 42 le matua o le soifua o Fagali’i o lo’o sauni la la fagotaga ma se tasi o ona uso i le aso ananafi.

E to’alua ona alo ma le tinā o le aiga ma o le sami o lo’o tele ina fa’alagolago ai le tele o itu mo le tausiga o lona aiga i aso uma.

“Ia o tapenaga lava lenei o le vaiaso ia ma aso uma lava pe ā maua le malosi, ia o fuafuaga lava mo le tausiga o le aiga. 

“Ia matou te o lava e fagota e su’e ai seleni aemaise le fofoga taumafai o le aiga i aso fai pea, ia a lelei le faiva ia e tele le seleni e maua.

“Ia e pei ona masani ai ia e fa’atau le tele o vaega e mana’omia i lea aso i lea aso.

Na ia ta’ua, e tau sili laititi lava le tupe maua e le tagata e fagota nai lo le fai fa’ato’aga.

“Ia  e pei o le tupe vave le sami, aua e maua le i’a i taimi uma ma le isi mea e vave le seleni, o le tupe e maua i aso ta’itasi pe a lelei le faiva ia e $500 i le aso e tasi.

“A fua la le vaiaso ia e $3,000 i le $4,000 e titilo i ai...ia ae le misi lava  i’a aua le tausiga o le aiga.

“ Ia pei o le itu lena e to’atasi le tagata o le aiga o lo’o faigaluega ae pei o le faiva o lo’o  tele le tupe e sau ai. 

“Ia pei o le itu lena aua e feololo le seleni i le gataifale i le tagata faigaluega, ia aua o le tele o tagata faigaluega e $100 le totogi i le vaiaso ae o le tupe na e maua e’i matou i  le aso e tasi.

“Ia o lo’o lelei le tamaoaiga o gataifale i le taimi lenei ...e ala ona mativa Samoa ona le le galulue , 

“Ia e pei o le fa’afitauli  e feagai a i le tele o taimi ia o le upega, a  leaga  mea faigaluega ia e fa’aletonu fo’i.

By Vatapuia Maiava ma Ilia L Likou 05 October 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>