E fetausia’i aiga i tua nei - Luisa Sakaria

Tusia Vatapuia Maiava ,

166 Hits

Le tinā i a Luisa o Eva.

Le tinā i a Luisa o Eva.

“O lo’o seki mea uma, lea lava e manaia si o matou nei nu’u na ou ale ane ai.” Luisa Sakaria i le fa’atalatalanoaga ma le Fofoga o Samoa.

O Luisa o se tinā mai le afio’aga o Eva.

Na saunoa manino Luisa i le tele o  mata’upu na fesiligia ai e le Fofoga o Samoa e fa’atatau i fa’afitauli, lu’ita’u ese’ese aemaise o vaifofo mo ni suiga lelei i le olaga i Samoa nei.

“O tua nei e tele le fesoasoani e maua mai i isi aiga, ma e fa’apena lava  lo matou nu’u, a fa’aletonu le isi aiga e fesoasoani i ai le isi aiga.” Luisa Sakaria

“Ae o Apia, ia  o misa ma le mau vevesi o lo’o i ai, ae o matou i tua nei, lea lava e lelei a, e filemu tagata uma. 

“E lelei tagata uma!

O auala galue o le afio’aga, o se tasi lea o mata’upu o lo’o talia pea se fesoasoani mo le fa’aleleia.

“Pau a le me auala o lo’o fia faia, o le auala e alu i ga’uta, ua uma la ona ave le talosaga, e faamolemole e fia fai la matou auala aua a matou ma’umaga ma togafa’i.

“Ia mo le silafia,  o i matou e leai se faleaoga, o le to’atele lava o a matou fanau e a’o’oga i Salelesi , masalo e le’i talanoaina le fa’atuina o se aoga, 

“Na i ai le faleaoga i aso la, ae ua le’o toe i ai i le taimi lenei , ma o lo’o aga’i le tele o fanau i Salelesi.

Na fa’ailoa mai e Luisa, ‘ e ala ona matitva o le le galulue.’

“E sa’o e tele lava aiga e fa’apena, ae o le le galulue lava o tagata e i ai .

“E leai lava se isi mea , ae o le to’aga lava e galulue, o le tele lava o matou i tua nei  e le faigaluega ae fa’alagolago lava i mea fafaga , togafa’i, 

“Ou te iloa e a’u o le to’atele lava o tagata o le tala mai lava lena ae a taumafai lava le tagata e atia’e lona ia aiga ia e leai se mea e popole ai fua. 

© Samoa Observer 2016

Developed by Samoa Observer in Apia