Naunau matua ia manuia fanau

By Aruna Lolani 05 July 2017, 12:00AM

O le avea ai o oe ma tinā o se avega mamafa lea aua o le tele o tiute o le e fa’atinoina. 

O lea le manatu o Moega Magaia o Fasito’o Uta i le la fa’atalatalanoaga ma le Fofoga o Samoa. 

O le tinā e 43 tausaga le matua o lona soifua, e to’a lua le fanau ma o lo’o galue lava i lona ma'umaga ina ua asia e le Fofoga o Samoa. 

“Ia o lea lava e gafa lava ma feau masani, o le galueina o le maumaga aua lava le fanau ma o latou fa’amoemoe,” o lana lea tala. 

“Ia e le ese lava so’u ia naunau mai nisi o tinā i o latou fanau. O le galue lava aua se lumana’i manuia." 

“O lenei olaga a le galue le matua ia mo lana fanau e le maua se mea lelei aua a lelei ona tausia ma fa'a-failele le ola tuputupua’e o le fanau e le maua se mea lelei,” o lana tala mai lea i le Fofoga o Samoa

“I lenei vaitau ua tele le suiga ua iai nei ua fai lava sina faigata o le olaga ma a le galue le matua ia mo lana fanau e le maua se iuga lelei mo fanau."

“O le taugata o le soifuaga ua avea ma avega mamafa i nisi o aiga."

O le fanau o le tofi mai le ali’i, o i tatou lava le ki ma le tatala o mea uma, o i tatou foi e ao ona tatou fa’apelepele ma fa’a’aooga le fanau." 

“A’oa’i le fanau e tusa ma ona ala a matua e le toe te’a ese ai lava." 

“O nei aso, ua alualu lava i luma suiga ma ua tau au na le iloa ai le va ma tagata, o le naunautaiga lava o  matua pei o maua ma si o’u to’alua ia maua ni lumana’i manuia o le fanaua, ia iloa ola ma ia maua le fiafia." 

“Aua nei ola fa’alagolago ma ola samasamanoa ae ia ola ina ia mafai ona maua ni matua sili mo aiga, nu’u ma ekalesia." 

“Ia e tusa lava po le a le mativa ma le le tagolima o iai nei le soifuaga, e alofagia mai lava e le Atua le tagata ma lona naunau." 

“Ia o lea lava so’o se tulaga e o’o iai matua aua lava le va’ai alofa le fanau. Ua laki foi o le iai o le fanau faigaluega o lo’o fesoasoani malosi i fa’aaoogaina o le fanau."

By Aruna Lolani 05 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>