Tatala le faleoloa fa’anei-ona-po a le Digicel

Tusia Maiava ,

151 Hits

O lea faleoloa fa’aona-po-nei, e mautinoa o le a fa’amalieina ai le mamalu o le ‘au-fa’atau ona o le tele o oloa fa’aTekonolosi ‘ese’ese fa’apea ‘au’augana tau-telefoni mo feso’ota’iga.

O lea faleoloa fa’aona-po-nei, e mautinoa o le a fa’amalieina ai le mamalu o le ‘au-fa’atau ona o le tele o oloa fa’aTekonolosi ‘ese’ese fa’apea ‘au’augana tau-telefoni mo feso’ota’iga.

Ua tatala nei le faleoloa fou a le Digicel i le Faleoloa Tele o Frankie i Fugalei. 

O lea faleoloa fa’aona-po-nei, e mautinoa o le a fa’amalieina ai le mamalu o le ‘au-fa’atau ona o le tele o oloa fa’aTekonolosi ‘ese’ese fa’apea ‘au’augana tau-telefoni mo feso’ota’iga.

Ofisa Sili o Pulega a le Digicel Samoa, Rory Condon

Ofisa Sili o Pulega a le Digicel Samoa, Rory Condon

O le tatala ai o lea faleoloa, o se vaega o ‘atina’e fa’asolosolo ua fuafua e militino ai ma maua se mafutaga va-va-lalata ma le atunu’u lautele ae maise le fa’aleleia atili o ‘au’aunaga latou te mo’omia.

O se vaega o lea fuafuaga, le Cell City, o le a fa’ase’e atu ai nisi o galuega ma ‘au’aunaga i le nofoaga i Vaimea, lea o le a mafai ona toe fa’aleleia ma fa’afou ai telefoni a le mamalu o le atunu’u. 

Saunoa le Ofisa Sili o Pulega a le Digicel Samoa, o Rory Condon e fa’apea: “Ua ‘ou fiafia lava e fai-pa’aga ma le Faleoloa o Frankie i le tatalaina aloa’ia o lenei faleoloa fou. A’o fa’ato’ateleina pea le mamalu o le atunu’u ua avea ma a matou pa’aga, ae maise le fa’ananau pea e saga fa’aopoopoina nisi vaega fou o le matou ‘au’aunga, ua alaga-tatau ai ona fa’ateleina la matou tautua ma tilotilo fo’i i nisi o vaega fou e fa’aleleia atili ai la matou ‘au’aunaga mo le atunu’u. O le faleoloa fo’u a le Digice, o lo’o fa’afesaga’i lelei ma le maketi i le ogatotonu o Apia, e tele nofoaga e paka ai ta’avale ma ua fa’atulaga lelei ina ia faigofie ai ona tu’uina atu o la matou ‘au’aunaga mo le mamalu lautele o le atunu’u.” 

Ofisa Sili o Pulega a le Digicel Samoa, Rory Condon
Ofisa Sili o Pulega a le Digicel Samoa, Rory Condon

O telefoni fou ma vaega fou uma mo le fa’aleleia o feso’ota’iga tau-telefoni i totonu o maota ma laoa, o le a fa’alauiloaina ai mo a matou pa’aga i so’o se taimi. 

“O se vaega lea o le matou tautua, o le ofoina atu o le tautua aupito lelei ma talafeagai mo a matou pa’aga ma ua fiafia ai lava ona o nei oloa fou uma ma vaega fa’aTekonolosi, o le a fesoasoani tele mo le atunu’u. E talitonu, o le tasi lea o faleoloa aupito lelei i totonu o le atunu’u – ae maise le Pasefika.” 

O taimi e tatala ai le Faleoloa Fou ia Frankie, e mai le 8 i le taeao e o’o i le 5 i le afiafi, mai lava i le Aso Gafua e o’o i le Aso Faraile, ma le 8 i le taeao i le 2 i le aoauli i Aso To’ona’i.  

E uiga i le Vaega a le Digicel:

O le Vaega a le Digicel, o se kamupani ua atoatoa i le tu’uina atu o ‘au’aunaga tau-feso’ota’iga ma fa’afiafiaga i maketi e 33 i le Atu Keripiana, o Amerika Tutotonu ma Asia & Pasefia. O le ‘ausia o le 15 tausaga o tautua, ua silia ai i le 5 piliona tala Amerika o ana teugatupe i le lalolagi aoao.  

Ua lauiloa le kamupani i le ofoina atu o ‘au’aunaga tau-feso’ota’iga aupito lelei, fa’atuatuaina, ma talimana’o mo tagata-nu’u ‘ese’ese, lea ua avea ma ana pa’aga ‘autu.

O le Digicel o le kamupani lagolago lona lua lea mo ‘Au-Ta’a’alo i totonu o le Atu Karepiana, Amerika Tutotonu ma le Pasefika e aofia ai A’u Ta’a’alo mo Olimepeka Fa’apitoa mai le tele o atunu’u ma Itulagi. E lagolagoina e le Digicel, le ‘Au Kirikiti Fa’ava-o-malo a le West Indies, a o lo’o pa’aga-tutino fo’i a le Liki a le Atu Karipiana.  

I le Pasefika, o le lagolago tu-matila lea o polokalame lakapi-liki mo vaega i tua o atunu’u ‘ese’ese, o fuafuaga tau-atina’e a tina ma tama’ita’i fa’apea le ‘Au Soka a le Amicale i Vanuatu. 

O lo’o fa’agasolo nei fo’i ni fa’atinoga mo nofoaga i tua i atunu’u ‘ese’ese ma ua fa’atuina ai le Digicel Foundation i Haiti, Jamaica, Papua Niu Guinea ma Trinidad and Tobago lea e fa’amuamua ai tulaga tau-a’oa’oga fa’apea polokalame tau-atina’e o tu ma aganu’u fa’apea le soifuaa lautele.

© Samoa Observer 2016

Developed by Samoa Observer in Apia