E taua pulega matai

Tusia Ilia L. Likou ,

71 Hits

Meki Alatasi o le afio’aga o Sataoa.

Meki Alatasi o le afio’aga o Sataoa.

Na maua le fa’atalatalanoaga a le Fofoga o Samoa ma le ali’i i a Meki Alatasi o le afio’aga o Sataoa.

I lea fa’atalatalanoaga na ia fa’ailoa ai le taua pea o vaega nei e pei o faiganu’u i totonu o so’o se afio’aga i totonu o le atunu’u.

Na ia fa’ailoa le agaga fa’afetai i a’i latou ona o le taumafai pea e tausi le filemu i so’o se fa’afitauli o lo’o fa’apena ona alia’e mai i lea aso ma lea aso ma o se tulaga lelei tele lea i le aga’i ai luma o le atunu’u.

 “I a te a’u lava ia e i ai lava ese’esega i le olaga i totonu o afio’aga o lo’o mamalu ai pulega ma nisi o afio’aga e le’o mafai ona fa’atinoina ai lea vaega taua.

“Ua o tatou iloa uma, o le tele o afio’aga o lo’o ua i ai nei, ia ua malosi lava i le taumafai ina ia le toe i ai vaega nei e fa’atinoina.

“Ae i a te a’u lava ia i le maitau ai i totonu o faiganu’u, o lo’o fa’apea ona saogalemu ma sologa lelei o so’o se itu o lo’o taumafai i ai.

 “E pei o i tonu lava le vaega o lo’o tele ina maitauina o lo’o avatu ai le tele o vaega o lo’o ua tutupu mai ai fa’alavelave ogaoga, ona o luga lava o le tu’ufau ona fai.

“O lo’u ia lea taofi, e ao lava a ona i ai vaega nei mo le puipuia aemaise o le lelei alu i luma o si o tatou atunu’u aemaise o fanau mo a taeao.

“E le aoga fo’i, le tele o suiga, ae o tatou maitauina le tele o fa’alavelave e ono tutupu mai ai, ma o lea le fa’amoemoe tele o lo’o ua i ai le taimi lenei i lo’u ia iloa i ai.

“Ia taumafai lava ina ia iloa lelei le aga’i i le lumana’i aua se olaga fiafia ma le manuia o si o tatou atunu’u o Samoa.

“Aemaise o ona tagata, aua o manuia nei o aiga, nu’u , ekalesia aemaise o si o tatou atunu’u pele o Samoa.

© Samoa Observer 2016

Developed by Samoa Observer in Apia