Se’e ese Shalom ma le tofiga faiaoga

Tusia Ilia L Likou ,

63 Hits

Shalom Tautiaga

Shalom Tautiaga (Photo: James Atoa/Samoa Observer)

O lo’o ua fa’amaonia mai nei le Iuni Lakapi le se’e ese lea o le Susuga i a Shalom Tautiaga ma le tulaga fa’afaiaoga a le Manu Samoa.

O lea fuafuaga ona o nisi o tuatuagia fa’a-leaiga.

E lua tausaga na galue ai o ia mo le Iuni Lakapi o se Fa’auluuluga mo Ta’aloga Tau atia’e ae lei tofia o ia e sui tulaga i le faiaoga lea na muamua i a te ia, i a Theresa Passi.

I le una’ia ai pea o le ta’aloga lakapi i le atunu’u o le taimi lenei ua  ua ma’ea ona sainia se maliliega i le va o Saina ma Samoa aua lava le la’asaga manuia o le ta’aloga mo atunu’u e lua.

O le sainia ai o le maliliega tau ta’aloga mo Samoa ma Saina   na ia taua ai le aoga  tele o lea faiga mo le lumana’i.

‘O se sainiga lima fa’aleuo mo atunu’u e lua,” o le saunoaga lea a Wang Xuefeng i le fa’atalatalanoaga ma le Samoa Observer.

 “O se so’otaga aua le aga’i atu ai le lumana’i o le ta’aloga o le lakapi e le gata mo Samoa ae o Saina.

“O lo’o i ai le fa’anaunauta’iga ia mafai ona ofi atu mo ta’aloga tetele se ‘au a lo matou atunu’u i le lumanai e pei ona i ai le Olimepeka.

 “E matua’i o matou lagolagoina lenei maliliega.

O lenei maliliega na sainia i Beijing, aso 8 Tesema 2017.

O le tausaga na se’i mavae atu nei na saunoa ai le Alii Palemia e fa’amalalama nisi o vaega o lo’o feagai ai pea ma le Iuni Lakapi aemaise o le unaia o fanau mo nei ta’aloga.

O le atoaga lenei o lea fa’atalatalanoaga na ripotia mai e le Ofisa So’oupu a le Malo.

E le’o mama i le Iuni Lakapi a Samoa (SRU) le tulaga faigata ua oo iai le faagaioioiina o ana fuafuaga ma polokalame mo le faatumauina o le lelei ma sologa manuia itutino uma o le Iuni.

Peita’i na faamalamalama manino e le ta’ita’ifono le Afioga Tuilaepa Dr Sailele Malielegaoi i lana polokalame o le Taimi ma le Palemia mafuaaga o nei mau faafitauli o loo mafatia ai le Iuni Lakapi.

TUILAEPA; “E le’i mae’a si a matou mataupu, o lea e tapena le tali e ave iai. O le mataupu lea e lagā e latou, e telē a le aveseseina. O le mea mo’i a, mo le tausaga lenei (2017)  o le tatou paketi, poo le tupe atoa a e moomia, mo le faagaioia o taaloga uma a ia e faatulaga mai e le Lakapi a le Lalolagi, iai taaloga ia ta’i toa 7, e iai ia malaga lea e alu i fafo, e aofia ai ma le tulaga i le totogina o pasese, o inisiua, alauni o tama, a? e aofia ai ma totogi o le au faigaluega ia ma totogi o palagi foi ia e aumai e le world cup, e iai le taimi oute toe faamanino atu ai tusitusia, ae o le aofai uma a o le tupe lea e faagaioi ai le tatou lakapi a le Iuni, tusa e 11miliona tala, o le 11miliona tala na, na o le 4.6miliona lea e aumai o le Lakapi a le Lalolagi, a o le 6.2miliona lea e faagaioi ai ia le lakapi o tupe a saili tupe a le tatou Iuni.”

“O lona uiga o sailitupe ia e iai ia foai a le tatou malo, seleni mai le tatou Digicel ma le Bluesky, tusa la e tolu alatupe na ia ma nai mea la ia taipei o le tatou uokafoni lea la o le tatou paketi, e le o mafai ona kava uma le 11miliona le na i le tausaga, tusa na o le 10 ma ona tupu miliona, a o le paleni la e tatou te o aitalafu ma i le faletupe, a? ae ia manatua foi la o le isi lea tulaga taua, e manatua o le tele a o mea ia e faatino nei e le’o mafai ona kava e le Lakapi a le Lalolagi ia tupe uma ae alu lea la e na o le pau na o le telē o le latou seleni lea e aumai, ona saili tupe lea o tatou a le lava faaatoa mo mea o nonogatupe i le faletupe, o le mafuaaga la lena, lea e iai la’u faasilasilaga lea na alu o le tatou Iuni, mo tausaga e lima ia talu ai o lea lava e faalagolago a i nonogatupe mai le faletupe e faalava ai le laititi o tupe ia latou te aumaia, a? mea na e le o malamalama i ai le toatele.”

“O le isi mea, o le tele o tupe e le aumaia, e nonofo a latou totogi sa’o ane a i o ona ta’u mai la ea, ia o le mea lea le na alu i pasese o tama, o le mea lea na alu i inisiua o tama, a? e na o se vaega foi la o le inisiua, na o le inisiua a e kava ai le taimi lea o taaloga, ae le o kava atoa ai le inisiua o lea e pei e tatou, a? ia se vaega tele lea.”

“O le tulaga la le na, lea e mafua ai le matou feeseeseaiga, i tofiga la ia o faiaoga, ua uma foi la ona, ave iai le tusi i o, e ta’u iai, o le to’a fitu le na interview, ma aumai i luma o le board, e le’i fautuaina Fuimaono, a o le vaai la a le komiti iai, e leai se isi o le to’a fitu lenei e pei o Fuimaono le record, a? i le tele o au na malo i lalo o le taitaiga a Fuimaono, aemaise o le tai to’a fitu, ae manatua foi le isi malo tēle a i Hong Kong, lea na malo ai le tatou ta’i to’a fitu na malolo ai Fiti ia tatou, a?”

 

 

 

 

 

“E oo foi la i le taaloga, i le taimi lea na taaalo ai taotu e tapena ai mo le ipu o le lalolagi lea na fai i Niu Sila, o Fuimaono lea na faiaoga i le tatou au i le taaloga lea na malolo ai ia Ausetalia, a? O le tele a la o mo mea o coach a atunuu e taipei o Fiti, Toga, tatou e leai se coach na te ausia le record a Fuimaono.” 

“E le faapea la o faia pogisa le iuga o lea e fai e le tatou komiti le iuga e lelei mo Samoa, a? Ia ma le isi mea, a oo ina faaletonu le au, ia o matou la nei e talitalia le tele o upu leaga e lafo mai e le atunuu, a o la na o le nofonofo i o, a o le mea la e manao iai fai mai matou te mananao e ave lea, ia o le tulaga foi la lena aumai le fautuaga a le komiti foi lea e fautuaina ia, taipei la ona latou le filifilia ia Fuimaono ae matou tilotilo atu matou o matou le iloa ia gaioiga a latou uma lea e sili mamao atu Fuimaono.”

“Ma le faaiuga foi lea na matou faamaloloina ai ia Damian, a? le Kanata foi lea, ona ua ia le ausia ia le agaga atoa, le faamoemoe atoa na mafua ai ona matou tofia, o le alu e ave le au a Samoa i o le Olimipeka, a? ia o le au pito sili lea ona vaivai o Spain, ae tatou faiaina ai, toe itiiti a tatou malo, ia maea loa lava ia le taaloga, manatu loa le iuni e leai se aoga o lea tamaloa ia tatou, e le maua ai se malo, ua iloa foi e te filifilia, soo se iuni a le lalolagi, e tasi a le mea e fiafia i ai, e fiafia i le faiaoga e maua ai le manumalo, ae matua le fiafia a soo se iuni, Ausetalia, Niu Sila, a?  ua fia ia faiaoga e alu alu a faamalolo lea faiaoga e Aukilani, alu alu a faamalolo ia lea faiaoga i Aukilani, aua foi e le o maua ai ia se malo e Aukilani, o la e saili a Aukilani poo ai le faiaoga e maua ai le manumalo faapena foi la ma tatou. a?”

© Samoa Observer 2016

Developed by Samoa Observer in Apia