Sa'ofa'i i le Afio'aga o Sapapali'i

By Ilia L Likou 05 April 2018, 12:00AM

E 13 suafa matai fou sa fa’atinoina e le Aiga o Malietoa Gatuitasina i Poutoa Gataiala i Sapapalii I le Aso Gafua na se’i mavae atu nei.

O le filifiliga autasi a le aiga i Suafa Matai, Suli ma Feoi o Malietoa Gatuitasina i suafa matai e fesoasoani i le tautuaina ole aiga, nuu ma le Ekalesia.  

O suafa e aofia ai, Papalii, Taimalelagi ma le suafa Seiuli.  

Na fa’ailoa e le sui o le aiga, Papali’i John  le matagofie o lea aso atofaina mo le aiga aemaise le lauga ma le upu folafola a le Susuga i le Faafeagaiga a Sapapalii Rev. Esera Auatama Esera na tima’i ma apoapoa’i i nofo fou.

O le feau o le Eseta o le Loto Maualalo, ma toe fuataina tagata tuai ina ia talia ai ma le faamaoni le feau o le Toetu. 

Sa ia toe fa’amanatu foi le taua o suafa matai, ma le tulai mai e tautua le aiga, nuu ma le Ekalesia.  

Sa usu faaaloalo le paia i le Aiga Sa Malietoa, alalafaga o Usoalii ma le Matua i a Mago ma Luasiufanua.

Na fa’aiu lea aso i fa’aaloaloga masani.

By Ilia L Likou 05 April 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>