Tapuni A’oga, ae lapata’ia le taulaga

310 Hits

Na vave tapuni A’oga mo le asŏ ma ua aami atu tamaiti a’oga mai a latou aoga a’o taumafai pulega e faaitiitia le fegasoloa’i o tagata i le faataamilosaga o le Taulaga i Apia. 

O nisi o tagata faigalue i le fale o le malo ma le tele o isi fale i luga o le ala autu o Apia na faailoa atu i ai ia o i aiga.

Ua pogai lea tulaga ona o se tasi o tane suau’u e tolu o i le Uafu i Matautu sa faaauau pea ona mu.

O le tapunia o a’oga e afua mai le faaiuga ina ia tapunipuni pisinisi e latalata ane i ai a’o taumafai le vaega tinei-mua e titina le sasao o lea afi.

O tagata faigaluega mo faalavelave faafuase’i ma Leoleo na latou pulea lea vaega-eleele, ma faasa mai tagata lautele, ma ua pogai ai laina taavale uumi i totonu o Apia.

E malamalama le Samoa Observer o loo tuu-tasi taumafaiga a le vaega tinei-mu i le taofia o le afi mai le sasao atu i isi tane e lua.

O se Vaega o lea taumafaiga e tau ma le afi e aofia ai taumafaiga ina ia aveese nisi o suau’u mai isi tane suau’u e lua.

O ia tane Suauu sa faatutū pea i ai taumafaiga e avea ma vaega o ia taumafaiga.

Fai mai se alii Leoleo sinia o loo popole ina ne’i pa ma isi tane e lua ma o le pogai lea na tapu ai lea vaega-eleele.

O le Vaega Tinei Mu ma loli uma mai Upolu e aofia ai ma Faleolo sa valaau ina o mai i lea vaega-eleele.

I le taimi nei, e mafai ona vaaia lea afi mai se nofoaga mamao e pei o Si’usega ma Vaitele a’o lilofia le taulaga i le aso uliuli. 

© Samoa Observer 2016

Developed by Samoa Observer in Apia