TALA FAASOLOPITO O SAMOA MAI LE AMATAGA

203 Hits

Tapena ma Tuufaatasi e Fuimaono Na’oia Fasavalu Touli F. Tupua mo le Samoa Observer. 

MATAGALUEGA O FAAMASINOGA.

O le Faamasinoga Sili e taiulu ma ta’ita’i su’ega ai Dr. E. Schultz. Faatasi ma le Faamasino Sili o ia lea e fesoasoani i ai le Alii Faamasino o Imhoff.

I faamasinoga uma lava, o e fesoasoani i le Faamasino o ni Alii Faatonu, e filifilia mai tagata totogi lafoga, ma o le latou tiute e na o le faufautua, ae latou te le pulea le faiga o faaiuga. O le Faamasino Sili e taiulu i le Faamasinoga o Fanua, pe a tula’i mai ni finauga i le va o tagata papa’e ma tagata o le atunuu, poo i le va o le tasi ma le isi.

O mataupu la faapenei e fesoasoani ai ia te ia ni alii faatonu se to’alua ma ni tagata poto faapitoa. O nei la Faatonu ma Tagata Poto Faapitoa e aofia ai Mr. Norman MacDonald, o se fuafanua mai Peretania, ma Herr A. Haidlen, o se fuafanua a le Malo. E faaopoopo atu ia i latou ia, ni tagata Samoa se 14 e tomai faapitoa i mea tau fanua ma suafa.

Sa i ai le avanoa e toe apili pe talosagaina ai le toe iloiloina o se faaiuga o se mataupu e faaulu i le Faamasinoga a le Kovana, a mae’a le Faamasinoga a le Kovana, ona tuuina atu lea i le Faamasinoga a le Kaisa o Siamani. E laiti tupe e totogi e tagata mo a latou faamasinoga, ma o le moni lava, sa lē una’ia e le Malo le faia o ni faamasinoga. 

O Mr. R. Williams lea sa galue muamua mo Niu Sila, sa fai ma sui o le Malo, ma sa avea ma faamasino o le faamasinoga maulalo i Savaii. 

O le Resitala o suafa o V. Peters; o lona fesoasoani o M. Mars, o le failautusi o le faamasinoga o von Egidy; o le leoleo o O.Loesche; o le faamatala-upu (Samoa) o Le’auanae. I le faamasinoga maualuga poo le Faamasinoga o Apili- o failautusi o Peters ma Mars. 

O le Ta’ita’i Leoleo o Theo Stoeckicht; ae fesoasoani i ai Herr Roserus. O lenei vaega sa aofia ai ni leoleo o le atunuu e 18 ia sa ta’i 3-5 Pauni o latou totogi i le masina, e tusa ai ma le tulaga sinia o le tagata. O le vaega o le fitafita a le atunuu lea sa aofia ai se 30 tagata Samoa, sa i lalo o le vaaiga a Lutena Roserus, o le uso lea o le fesoasoani i le Pule o Leoleo. 

Ofisa o Tupe-O galuega a le Ofisa o Tupe sa faatino e Herr Hausler ma Herr F. Jaeckel. 

Matagaluega o Fanua-Sa i ai Fuafanua a le Malo o A. Haidlen, C. Lammert; le tusiata ma le faufale o A. Schaaffhausen.

Komesina o Femalagaiga a Saina- A. Fries. (E tusa ma le 1,000 tagata Saina sa i Samoa nei  i lea taimi 

Ofisa o le Tiute sa i lalo o le vaaiga a Herr R.P.Berking (sui pule o le Tiute). O C. Pullak  ma F. Kruse sa gafa ma le gataifale, a’o Captain Pundt lea sa avea ma Pule o le Taulaga ma faaofi mai vaa i totonu o le Taulaga.

© Samoa Observer 2016

Developed by Samoa Observer in Apia