O LE MAU A PULE-THE MAU MOVEMENT

1327 Hits

Tapena ma Tuufaatasi e Fuimaono Na’oia Fasavalu Touli F. Tupua mo le Samoa Observer. 

E ui lava ina toatele alii sa tumau pea ona lalafi-pe nonofo filemu i totonu o latou nuu poo i le vaomatua-ae sa faaauau pea gaoioiga a le Malo-faatasi ai ma le faa-toateleina pea o le “Mau a Tamaita’i”-lea sa ta’ita’ia e le Masiofo o Ala Tamasese ma le faletua Samoa lē taualoa o Nelesoni-o Filoi Samoana Taisi (Rosabel Nelson), le faletua o Faumuina o Faamusami Faumuina ma le Masiofo o Pa’isami Tuimalealiifano-poo le faletua lea o se alii ua matuā matua lava.

Ina ua mavae osofaiga a Leoleo i Vaimoso-sa amata loa ona latou taofia solo tete’e. O Allen lea ua maua tele i le ita-sa taumafai e faaleaogaina lea lea Mau- e ala i ana faaupuga e faapea o loo “aofia”ai le anoano o tamaita’i matutua ma talitane lauiloa uma.”

O le Mau a Tama’ita’i na latou faafaigaluegaina Slipper na te faia tusitusiga e fai ma o latou sui ia Blake ma Allen e uiga i sailiga i totonu o nuu ina ua mae’a ona latou feiloa’i lelei ma Allen ae ua le mafai lava ona maua mai ai ni faamatalaga ma’oti e uiga i amio a tagata o vaega’au. O nei tamaita’i ta’ita’i na o ese mai ou luma…………ma le talitonuga atoatoa-e leai se puipuiga o maua e faasaga i faiga tau faamata’u i fafine ma tamaiti-ma ua le mafai ona tuuina mai e Lau Afioga-ma o le amio a Lau Afioga e peiseai e faapea e tatau lava ona fai pea ia faiga tau faamata’u-se’ia o’o ina mafai e tamaitai o Samoa ona una’ia o latou alii ia o loo sailia pea ma e ao i ia alii ona tuuina mai i latou i se taunuuga latou te le o iloa. Sa mata’ituina e Slipper le fanaina o Tupua Tamasese ma le maliu o Molia.

E tusa ai ma nei tulaga uma lava- ma e tusa ai ma folafolaga faifai pea a Lau Afioga-ma lau amio ua tino mai e tatau ona faa-ta’ape le Mau-ma e tusa ai ma le mea moni e faapea o le Mau e pei ona i ai-sa faataapeina e uāfana e o’o lava i itulagi e fa o le lagi, o lea ua lagona ai e Tamaitai o Samoa e faapea e leai se aoga- ma e maumau lo latou taimi e talosagaina Lau Afioga mo se puipuiga e faasaga i osofagai a tagata e leai ni a latou togiga.

O le lagona o Tamata’i o Samoa e faapea afai o le faamata’uina o tamaitai ma tamaiti o se mea faatagaina lea i lalo o le pulega a Lau Afioga- ina ia faaauau pea –o lona uiga la- e tatau lava ona faaauau pea. Ua faatonuina a’u e faapea ua aliali mai i tamaitai o Samoa e faapea o a latou savali i Lau Afioga e uiga i le saogalemu o i latou ma latou fanau-ua faatatauina e faapea e leai lava sona taunuuga.

O ia tamaitai- ua latou iloa ua uma ona faailoa mai e le Commodore-o le a le toe tafanaina nisi-ae latou te le mafai ona fulitua i le mea moni e faapea-e tumau pea ona faagaoioi le Malo o le Atunu’u, ma o se mataupu lea mo Lau Afioga ae le o le Commodore- ona faailoa mai-pe toe tafana nisi pe leai..

O le olega a Tamaitai i le Commodore na faatino ma le loto faanaunau. O le manatu o nei tamaitai-o le matupu tau le ola ma le oti e sili atu lea i lo se mataupu tau le usita’i i tulafono- ia e le’i faatinoina lava e Tagata Palota o Niu Sila poo tagata o Samoa. E mafai ona latou faia ae maliliu ai. O se itu e faanoanoa ai le oti ma le toto masa’a- lea ua aliali mai e leai sona taua i Lau Afioga pe a faatusatusa ma le mana’o, e pei ona faamaninoina ma faaalia, e le loto taofi mau! Ua faaalia i lalo le Vi’i o Tupua Tamasese!

O LE FANA TAAVILI UA OTEOTE MAI.

1.O le fana taavili ua ‘ote’ote mai

Tula’i loa si Alii ma ua fai mai

Ia filemu ma to’a le Tai

Tali i Lagi so tatou ‘ai

Faitalia  Peretania e

Tali:  Aue le Kovana e

Ua e faafiti

E te le iloaina

O se fana taavili

Ae molimau o tamaiti

Ma le afafine o Filisi

O oe lava na e faapa

Le fana taavili.

2. Tamasese ua e tu’umalo

Samoa lea ua falŏlŏ

Ua masa’a lou toto

I le sailiga o se ta Malo

Tau o lea, malo palefuionŏ

© Samoa Observer 2016

Developed by Samoa Observer in Apia