Ia maua le saogalemu

By Ilia L Likou 05 March 2018, 12:00AM

O lea le finagalo a le loia Pa’u Tafaogalupe Mulitalo o lo’o tula’i mo Tagaloasa Filipaina ma Ovaleni i le taimi lenei.

O i la’ua nei  o lo’o ua i ai nei le fa’amasinoga nisi o fetusiaiga a lo la loia ma le Fa’amasino Sili e fa’atatau i lo laua saogalemu.

E pei ona silafia ai o i laua nei o lo’o ua masalomia i se soloaga mai le falepuipui lea  ele’i mamao atu nei.

I le falepuipui i le vaitau lava lea, o le taimi lenei ua amata su’esu’ega a le Matagaluega o Leoleo e fa’atatau i mariuana na maua i le falepuipui i Tafa’igata.

O lea le saunoaga a le So’oupu a le Matagaluega, Auapa’au Logoitino Filipo i le fa’atalatalanoaga ma le Samoa Observer i ripoti talu ai.

O lenei su’esu’ega ua fa’ataunu’uina ina ua mae’a se sailiga a leoleo i  le falepuipui ma maua ai mariuana ma tupe i le nofoaga.

Na taumafai ai e fa’afeso’otai le Komesina Lagolago o le Falepuipui i a Ulugia Numia ma le Minisita Tialavea Hunt ae le’i mafai ona maua mai se fa’amatalaga e fa’atatau i lea mataupu.

Aepeitai , o  la’au fa’asaina lava po o mariuana o lo’o fa’aauau pea le fa’asa ma tapu lona fa’aogaina i totonu o le atunu’u.

I le fa’aaogaina lava o le mariuana na vala’au ai  Unasa Iuni Sapolu se mataupu e fa’apea e tatau ona taliaina ma fa’atagaina i Samoa nei le fa’aaogaina ai o le mariuana.

Na fa’ailoa e Unasa o le a tele se tupe a le malo e mafai ona maua mai ai le taimi lenei, ona o lenei la’au fa’asaina e pei ona ua i ai nei e tele se aoga mo togafitiga ae le gata i lea o le a tu’u fa’aitiitia i latou o  nofo sala i le falepuipui ma e tele se tupe o le atunu’u e mafai ona fa’asaoina mai ai.

Na te’ena e le Ali’i Palemia i a Tuilaepa Sa’ilele Malielegaoi lea vala’au ina fa’ataga le fa’aaogaina o mariuana i totonu o le atunu’u.

Na ia ta’ua i le Polokamalame ma le Au Tusitala e le mafai ona tupu lea tulaga.

“Ia o le tele o atunu’u e latou te te’ena lea tulaga ona o ‘a’afiaga  e ono ‘o’o i ai pe a fa’aaogaina lea la’au,” Tuilaepa.

 “O le itu fo’i lea e mafua ai ona fa’asa le aumaia o aisa e pei ona iloa ai le atunu’u aua ua tatou iloa uma le tele o le ‘a’afiaga o le fanau iti e ono tula’i mai ai.

“Ma e tele lava nisi o vaega ogaoga e tula’i mai pea fa’atagaina vaega nei, ma o se itu e ao ona silasila lelei i ai i le taimi lenei.

Na ia ta’ua e le’o o’o se manatu fa’apea i le malo i le ono tula’i mai ai o lea tulaga.

“E pei o lea lava le tulaga o lo’o ua silasila i ai, ma e le tupu mai lea tulaga i lo’u iloa i ai.

Ae o le  saunoaga a Unasa Sapolu o lea faiga o le a fa’aitiitia ai i latou o lo’o nofosala i le falepuipui aemaise ai o le tele o le fesoasoani o lenei la’au mo le mamalu o le atunu’u i togafitiga.

Aepeita’i o le saunoaga a le Palemia na ia fa’ailoa e le se tulaga lelei lea manatu ua fa’atuina e Unasa aemaise o lea fa’atoa uma atu le Savali o le Filemu lea na o latou fa’atauanauina ai le le tatau ai lea ona lisiina o fanua fa’aleaganu’u.

I se tasi o polokalame o le 2AP ma le Palemia, na ia fesiligia sona finagalo i le sosola soo ai o pagota i Tafaigata.

O le saunoaga tu’usa’o a le Afioga i le Ali’i Palemia ina ua fesiligia o ia e le au tusitala e fa’atatau i le sosola ese mai o pagota mai le falepuipui e fa’apea ‘ua ova le fa’atamala o le pulega’

“Ua uma ona fai le talanoaga ma le si vaega e le toe lafi se isii le ata o le laau o le mea moni e fa’atamala le pulega,” o lana saunoaga lea.

“O le isi vaega lea na toe sosola lea na toe pu’e o le fa’amatalaga na aumai o le alii lea na kuka, ae alu e kuka ae lae fa leoleo lae i ai, puga mai lava le va o leoleo, sola.

Na ia fautuina le Pulega o le Falepuipui ina ia silasila toto’a i  vaega nei.

“O le fautuaga a le Komesina o Leoleo o lo’o gafa ma Tafaigata e sili ona ave  ifo le aualii leoleo ( o lo’o galulue i Tafaigata) e fai sa lakou exercise.

“Usu mai le kaeao le ka o le fiku, aumai lea  ku’u i Apia, fa’akamomoe aku i’i e kau i Kafaigaka.

“O isi leoleo ua fai le fa’aiuga i’i ua fa’asala o loa i uka  ua fai le pagoka e muamua aku i fafo, ia ga o le oso a i fafo le pagoka alu ma le akoa, e kaufekuli aku le au ali’i e vaai mai kagaka  pei gi kagaka sumo.

“Pei gi sapagi  kagaka gei (leoleo i Tafaigata)ua kakau ga ave fa’alikaea.

“Ou  ke ofo i le komesiga la  e i ai, o kagaka gei  ua kakau ga likaea, loga uiga o le kele o kaimi e o age pagoka e kuikui vae.

“O le makua le aoga lava o gei leoleo, o le faukuaga le migisika koe kilokilo le au peva ia  kilia ese e le magaomia gi peva ma gi sumo e o aku e vaai pagoka.

I ripoti na tu’uina atu i le vaiaso ua mavae na fa’ailoa mai e le Matagaluega o Leoleo le toe fo’i atu ai totonu o se tasi o alii pagota i a Lagalaa Misiluki lea na fa’ailoa le sola ese mai i le aso falepuipui.

O le a molia o ia i le sola ese mai le falepuipui aemaise o le umia ai lea o fuala’au fa’asaina.

Na fa’afetaia e le Matagaluega le lagolago o aiga aemaise o afioaga lea ua mafai ai  ona toe tu’uina atu o ia.

E o’o mai le taimi lenei o lo’o tausailia lava se tasi o pagota lea na sosola mai ma nisi e to’atolu i le masina o Tesema o le tausaga ua mavae i a Uili Manuleleua.

E aofia ai le sosolaga lea na sau ai Uili i le tausaga ua mavae  Lauititi Tualima  ma Vaoia Solia lea na osofa’ia se tasi o aiga i Ululoloa a’o tausailia ai leoleo, ma o le taimi lenei ua toe maua uma.

Aepeita’i o i laua nei o loo tu’uaia i lea osofaiga.

I le osofaiga talu ai i Ululoloa, na a’afia se tinā lea e le’o mana’o e fa’ailoa mai lona suafa ma na maua le avanoa e fa’ailoa mai ai lea tulaga.

Na ia ta’utino o Lauititi sa i totonu o lona potu.

 “Na ia fa’alagolago mai i a te a’u ma tule’i a’u aga’i le moega, na ia fa’afefe a’u ma nofo tatu’i o’u foliga,” saunoaga a le tinā

 “Sa taumafai lava ina ia ou to’a lelei ina ia mafai ona fa’ato’a filemu mea uma aemaise o lo’u popole i si a’u fanau i tupu ai se fa’alavelave.

“Na ou fai atu i ai e tago e ave la’u telefoni ma va’ai la’u ato tupe e tago e ave, na ona ia maua lava o la’u telefoni alu loa ma le atoa.

 “Na ou fa’apea ai na’o Lauitiiti sa i lo’u fale ae ou iloa mulimuli ane sa i ai ma le tasi ali’i pagota.

Na ia ta’ua lona fa’afeso’otaia ai lea o leoleo ma na vave ona o’o atu le fesoasoani ma maua ai meatotino na to’esea.

 “I a te a’u lava ia, e le saogalemu le atunu’u i nei tagata ma e tatau ona fai se fuafuaga talafeagai mo Lauititi.

“Ou te iloa e faigofie lava ona osofa’i lo matou fale ona e latalata tele i le falepuipui.

“O le taimi lenei ua i ai mea pueata fa’alilolilo ma nisi o tulaga aua lava le saogalemu o lo matou aiga.

O lo’o ua matua’i fautuaina le atunu’u ina ia fa’afeso’ota’i le ofisa leoleo o lata ane, 22222 po o le 911 pe a iloa i latou nei i so’o se vaega o le atunu’u ae aua ne’i latalata i ai.

I nisi o ripoti e fa’atatau lava i a Lauititi  na fa’ailoa ai o se tagata solitulafono aupito i mata’utia o Samoa.

Mo  Lauitiiti Tualima lava ia, na ‘a’afia muamua ai se tasi o turisi mai fafo i sana osofaiga mata’utia i  le La’au Tutasi ina ua ia saiasaia se ali’i palagi ae ia fa’atinoina ni faiga matagā i lana uo tama’ita’i mai Ausetalia i le 2015.

I le masina o Iulai 2016, na tula’i ai Lauititi ma faia sana faato’esega puupuu i luma o le Alii Faamasino o Lesatele Rapi Vaai ina ua tula’i o ia mo lona faasalaga e tusa ai ma le osofaiga o le ulugalii mai Ausetalia ma le toso faamalosi o le tamaitai Ausetalia lea sa fai malologa mai i Samoa i le tausaga, 2015.

“Ou te faato’ese ai e tusa ai ma le mea na ‘ou faia, “ o lana faaaliga lea. “Ua ‘ou sese ma ua ‘ou matua lagona lo’u faanoanoa. Ou te talia soo se faasalaga e tuuina mai e le Faamasinoga.”

Na tolopo e le Alii Faamasino o Lesatele le faasalaina o lea alii se’ia aulia le aso 19 o Aokuso 2016-ina ia tuuina atu ia te is se taimi e Iloilo ai talosaga na tuuina atu mai le Vaega o Moliaga. Ae peitai-na ia faaalia e faapea o loo sailia e le Ofisa o Moliaga a le Malo se 20 tausaga faaopoopo o le faasalaga tau falepuipui mo lenei pagota e mata’utia le sola soo i tua. 

Na ioe Tualima i lona nofosala i tuuaiga e tolu tau le toso teine, tasi le moliaga o le gaoi, tasi le moliaga o le fao mea, ma se moliaga o le tau faamata’u e fasioti ma le isi tau le faa-auupegaina i se ‘auupega mata’utia. O ia moliaga uma e faasino i le osofaiga o se ulugalii mai Tasemania i le Lupesina Treesort i le aso 24 o Setema 2015.

E tusa ai ma le otootoga o faamatalaga moni, na o faatasi Tualima ma Leoleo o le Falepuipui i le falema’i i le aso 23 o Setema 2015-ma o le taimi lea na mafai ai ona ia sola ese. Na ui atu o ia i Tiavi-lea sa nofo ai mo le aso.

I le faagasologa o taimi amata o le isi aso, na ia talepe ai se potu sa nofoia e ni turisi ia e tatau ona pu’e le la malaga i le vaalelei e toe foi atu ai i Ausetalia i lea taeao.

O le tama’ita’i na ‘a’afia ai o Angie Jackson.

E tusa ai ma ripoti fai mai na sauni Angie e taele ae o le taimi lea na ia vaaia ai Lauititi o lo’o ia umia se seleulu ma faafefe ai na te fasiotia o ia pe afai e faataiŏ. 

Na tapā e Tualima se tupe ma  la  telefoni fe’avea’i ona la ave lea ia te ia mea sa na mana’omia. Ae peitai-sa le faamalieina ai o ia.Ona ia saisai lea o le ulugalii ma toso faamalosi le tamaitai a’o tilotilo atu si ona to’alua.

O ola o lea ulugalii sa mafai ona faasaoina ina ua siaki e le Pule o Treesort i la’ua –talu ai ua la tuai le la taavale la’upasese i le malae vaalele. Ae mo Tualima, sa mafai ona ia sola ese i lea po ma nisi o meatotino a le ulugalii.

O le Aso 5 o Oketopa 2015 na toe pu’e ai Tualima. Ina ua fesiligia e uiga i lea osofaiga, na ia ta’utino e faapea o ia na faia, o faamatalaga otooto ia a Leoleo.

Ua tuuina mai ai foi ma se fautuaga mai Matagaluega mo le lautele o le atunuu ina ia nofo mataala aemaise ia lagolagosua atu i le galuega o loo taumafai iai e ala lea i le sailia o Uili i le taimi lenei.

Na saunoa Tuilaeap ‘E le moomia e le atunuu nei ni peva ma ni au sumo e o atu i uta e vaai ia pagota.

 ‘Ia ona o le manatu foi lelei i ai, o nisi o leleo e lapopoa e faigata ona latou puipuia i le taimi o le a manatu ai le pagota e sola ese, ae o le manatu e le o iai se mea e malu lelei ai, aua e au ina oo i le tulaga o le tofu o le pagota ma le leoleo e vaaia’

‘ Leai o le taimi nei pau a le mea lea e agaga i ai i le Minisita o Leoleo onosa’i, lele toeitiiti uma le; ia o le ala foi lena e le’i faigofie le faaiuga lea.

“E le’o se faaiuga faigofie; ma o le tele o atunuu o le toe ave o le falepuipui i se isi nofoaga e le’o se mea e taugofie toe faigofie.

“Ae ou te faafetai i le lototele o le Minisita lea e i ai nei; a? i le mamao o lana faatofalaiga, faafetai foi i le Matagaluega o Tupe i le faaavanoa o tupe e sii ai le falepuipui i o.

“E leaga o i i totonu i i, o lea a ua avea o le vaega o le taulaga, ma o se mea e le matagofie le lotolotoi i o pagota i totonu o mea e alala ai le mamalu o le atunuu ma o latou fale nofo.

“Aua o le mea na e i ai na ona oso a i tua o le pagota ia sau loa fai ma faafitauli i aiga o loo nonofo i. O le puipuiga la o tagata lea na ave mamao i o, aua ou te leiloa poo ua tou oo i ai. 

“E toe maua mai a i le mamao i uta o Mauga Folau, e toe maua mai a e leoleo la e le’i taitai oo i tai.

“A e faigofia a la ma o le fausaga foi la; o le matua fausaga faafalepuipui o nei ona po. “E te fiu fo’i e eli lalo sau tano e te molu mai ai, na’o o ālā ālā mea la e, ia se’i vagana la le oso i luga, ia ae a tuu i luga ma mea o pa uaea tetele, ua atili ai ona faigata; a?

“E sili atu la ona maoa’e le fausaga lea laa fai nei, ua a la ona fai le mea lena ua lelavava foi le malo e faafeagai pea ma nai ne’i tama’i faafitauli. 

“Aemaise a mo mea o paogata ua i ai lava lo latou agaga e sola.

“Ia se’i vaai i le isi kokemi lea toe tasi le aso magalo ae alu a; o lona uiga o le faiai, o le faiai o le tama’i pusi lea e fealuai ma le na pagota, o lona uiga na o le pau a le mea la e i ai i le faiai o le na paogata, o….

“E le ai; o le fia maua o se avanoa e fia sau ai e fai isi solitulafono. E le’o tatai ona faatauaina le tulaga o lea laa magalo.

“A o iina foi, e mafai ona faapea; a? e aumai a e le Atua auala o le iuga o le tagata; a? o lona uiga ana se’i nofo le alii lea se’i magalo i le tasi o le aso, o lona uiga e sili atu, o ana mea uma i nan a sau nei fai e sau loa a alu toe fai.

“O lona uiga la, ua e iloa foi le pese lea a le Taiti; E le tutupu fua mea faapena. a?

E o’o mai le taimi lenei o lo’o tausailia lava se tasi o pagota lea na sosola mai ma nisi e to’atolu i le masina o Tesema o le tausaga ua mavae i a Uili Manuleleua.

“E aofia ai i a’i latou nei na sosola fa’atasi mai ma Uili le ali’i i a Lauititi Tualima  ma Vaoia Solia lea na osofa’ia se tasi o aiga i Ululoloa i lea lava masina a’o tausailia ai leoleo, ma o le taimi lenei ua toe maua uma.

O i laua nei o loo tu’uaia i lea osofaiga.

I le osofaiga i le tausaga ua mavae i Ululoloa, na a’afia se tinā lea e le’i manao e fa’ailoa lona suafa ma na maua ma le Samoa Observer e fa’atalatalanoa ai o ia.

Na ia ta’utino o Lauititi sa i totonu o lona potu.

“Na ia fa’alagolago mai i a te a’u ma tule’i a’u aga’i le moega, na ia fa’afefe a’u ma nofo tatu’i o’u foliga,” saunoaga a le tinā

 “Sa taumafai lava ina ia ou to’a lelei ina ia mafai ona fa’ato’a filemu mea uma aemaise o lo’u popole i si a’u fanau i tupu ai se fa’alavelave.

“Na ou fai atu i ai e tago e ave la’u telefoni ma va’ai la’u ato tupe e tago e ave, na ona ia maua lava o la’u telefoni alu loa ma le atoa.

 “Na ou fa’apea ai na’o Lauitiiti sa i lo’u fale ae ou iloa mulimuli ane sa i ai ma le tasi ali’i pagota.

Na ia ta’ua lona fa’afeso’otaia ai lea o leoleo ma na vave ona o’o atu le fesoasoani ma maua ai meatotino na to’esea.

 “I a te a’u lava ia, e le saogalemu le atunu’u i nei tagata ma e tatau ona fai se fuafuaga talafeagai mo Lauititi.

“Ou te iloa e faigofie lava ona osofa’i lo matou fale ona e latalata tele i le falepuipui.

“O le taimi lenei ua i ai mea pueata fa’alilolilo ma nisi o tulaga aua lava le saogalemu o lo matou aiga. I nisi o ripoti e fa’atatau lava i a Lauititi  na fa’ailoa ai o se tagata solitulafono aupito i mata’utia o Samoa.

Mo  Lauitiiti Tualima lava ia, na ‘a’afia muamua ai se tasi o turisi mai fafo i sana osofaiga mata’utia i  le La’au Tutasi ina ua ia saiasaia se ali’i palagi ae ia fa’atinoina ni faiga matagā i lana uo tama’ita’i mai Ausetalia i le 2015.

I le masina o Iulai 2016, na tula’i ai Lauititi ma faia sana faato’esega puupuu i luma o le Alii Faamasino o Lesatele Rapi Vaai ina ua tula’i o ia mo lona faasalaga e tusa ai ma le osofaiga o le ulugalii mai Ausetalia ma le toso faamalosi o le tamaitai Ausetalia lea sa fai malologa mai i Samoa i le tausaga, 2015.

“Ou te faato’ese ai e tusa ai ma le mea na ‘ou faia, “ o lana faaaliga lea. “Ua ‘ou sese ma ua ‘ou matua lagona lo’u faanoanoa. Ou te talia soo se faasalaga e tuuina mai e le Faamasinoga.”

Na tolopo e le Alii Faamasino o Lesatele le faasalaina o lea alii se’ia aulia le aso 19 o Aokuso 2016-ina ia tuuina atu ia te is se taimi e Iloilo ai talosaga na tuuina atu mai le Vaega o Moliaga. Ae peitai-na ia faaalia e faapea o loo sailia e le Ofisa o Moliaga a le Malo se 20 tausaga faaopoopo o le faasalaga tau falepuipui mo lenei pagota e mata’utia le sola soo i tua. 

Na ioe Tualima i lona nofosala i tuuaiga e tolu tau le toso teine, tasi le moliaga o le gaoi, tasi le moliaga o le fao mea, ma se moliaga o le tau faamata’u e fasioti ma le isi tau le faa-auupegaina i se ‘auupega mata’utia. O ia moliaga uma e faasino i le osofaiga o se ulugalii mai Tasemania i le Lupesina Treesort i le aso 24 o Setema 2015.

E tusa ai ma le otootoga o faamatalaga moni, na o faatasi Tualima ma Leoleo o le Falepuipui i le falema’i i le aso 23 o Setema 2015-ma o le taimi lea na mafai ai ona ia sola ese. Na ui atu o ia i Tiavi-lea sa nofo ai mo le aso.

I le faagasologa o taimi amata o le isi aso, na ia talepe ai se potu sa nofoia e ni turisi ia e tatau ona pu’e le la malaga i le vaalelei e toe foi atu ai i Ausetalia i lea taeao.

O le tama’ita’i na ‘a’afia ai o Angie Jackson.

E tusa ai ma ripoti fai mai na sauni Angie e taele ae o le taimi lea na ia vaaia ai Lauititi o lo’o ia umia se seleulu ma faafefe ai na te fasiotia o ia pe afai e faataiŏ. 

Na tapā e Tualima se tupe ma  la  telefoni fe’avea’i ona la ave lea ia te ia mea sa na mana’omia. Ae peitai-sa le faamalieina ai o ia.Ona ia saisai lea o le ulugalii ma toso faamalosi le tamaitai a’o tilotilo atu si ona to’alua.

O ola o lea ulugalii sa mafai ona faasaoina ina ua siaki e le Pule o Treesort i la’ua –talu ai ua la tuai le la taavale la’upasese i le malae vaalele. Ae mo Tualima, sa mafai ona ia sola ese i lea po ma nisi o meatotino a le ulugalii.

O le Aso 5 o Oketopa 2015 na toe pu’e ai Tualima. Ina ua fesiligia e uiga i lea osofaiga, na ia ta’utino e faapea o ia na faia, o faamatalaga otooto ia a Leoleo.

Ua tuuina mai ai foi ma se fautuaga mai Matagaluega mo le lautele o le atunuu ina ia nofo mataala aemaise ia lagolagosua atu i le galuega o loo taumafai iai e ala lea i le sailia o Uili i le taimi lenei.

Ma a silafia e se tasi se faamatalaga i le nofoaga o loo iai Manuleleua faafeso’otai le Ofisa o Leole I le numera 22222 pe valaau sa’o i le 911.

By Ilia L Likou 05 March 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>