Tali le Palemia

Tusia Ilia L Likou ,

72 Hits

Falefata Hele Matatia.

Falefata Hele Matatia.

O le tofia ai o Falefata Hele Matatia  e avea ma Pule Sili o Ta’aloga o le Pasefika lea o le a fa’atautaia mai i Samoa nei i le tausaga o le a sau nei, o se galuega na fai ma le mae’a’ea e le malo ma tasi ai mo le tofiaina o ia.

O lea le saunoaga a le Alii Palemia ina ua fesiligia i le agava’a o Falefata i lona tulaga e pei ona ua tula’i mai ai nei.

Na ia fa’ailoa, e le’i pogisa le fa’atinoina o tiute a le malo mo le sailia o se tasi e avea ma ta’ita’i ma o le tasi lea ua i a Falefata.

Sa ia ta’ua o se fa’aiuga talafeagai ma le atoatoa lea ua tofia ai nei Falefata.

O lea ua fa’amaonia mai le tofia ai e le Kapeneta o Falefata Hele Ei Matatia 

O lenei ali’i e 34 le matua o le soifua, ma o lona tofiga fou sa mafai ona fa’amaonia mai e le Minisita o Aoga, Ta’aloga ma Aganu’u, Loau Keneti Sio.

“Ua autasi le kapeneta ma nisi o sui o le malo i lenei ali’i,” o le saunoaga lea a Loau i le Samoa Observer.

“Ua iai le fa’atuatuaga o le malo ia Falefata ona o lona tomai o lo’o iai e na te tauaveina lenei tofiga.

“Sa maualuga lava le tofiga o lenei ali’i e le laulau ona o lona tomai ma ona agava’a, ma sa tilotilo fo’i mo ni sui fou ina ia latou tauaveina lenei tofiga.

“O Falefata o se tagata e la’ititi, atamai ma malosi ma e maitau atu toe 16 masina o totoe ona faia lea o Ta’aloga o le Pasefika lea na matou autasi ai o ia lava lea mo le galuega.”

O lenei avanoa sa fa’asalalauina fa’alua.

“I le taimi muamua lava e na o le to’atolu latou sa mafai ona aumai latou tusi talosaga e fai ai le fa’aiuga a le laulau,” o le saunaoaga lea a Loau.

“Ae peita’i sa finagalo le malo ina ia toe fa’asalalauina lenei avanoa ona e le’i lava i latou sa mafai ona tu’uina mai latou tusi talosaga e faia ai le filifiliga a le laulau.

“Sa mana’omia ni tagata se to’atele e fa’ao’oina mai a latou talosaga ina ia mafai e le laulau ona fai ai le latou filifiliga.

“E taua tele lenei avanoa ma e le mafai ona matou tu’u ai i le na’o le to’atolu tagata talosaga.

“Sa iai isi sui, ae o le fa’aiuga lava mai le Kapeneta ina ia tofia Falefata ona ia o se tasi o tagata ta’aalo, o le tagata lelei lava lea mo lenei tofi.”

O Falefata o le alo o le fa’afeagaiga ia Pisopa ma Petronilla Matatia mai afioaga o Fusi Safata ma Lefagaoali’i, Savai’i. .

E le fou Falefata mai vaega o ta’aloga i le taimi nei o lo’o avea ma Pule Sili o le Samoa Institute of Sports (S.I.S) lea sa tatala aloa’ia i le tausaga e 2016.

O lenei asosi e fesoasoani i le atina’eina o ta’aloga ma e fesoasoani tele i le taumafaiga o ta’aloga mo le lumana’i manuia o Samoa.

© Samoa Observer 2016

Developed by Samoa Observer in Apia