Fia mo’omo’o mo sona fale fou
O mo’omo’oga lena o le Tina ia Faasili.Manoa, 27 tausaga le matua mai le Nuu o Laulii.
E moni lava o lo’o faigata ma taugata le soifuaga, ae o lo’o atia’e lava aiga i le mea e gata mai aua se manuia mo aso o i luma.
“E lei leva ona ma nonofo nei ma lo’u toalua, ma le tama 11-masina le matua, o le teine, ma o lo’o nonofo lava maua ia i lo ma fale, ae o lo’o moomia ai lava se fesoasoani mo se ma fale fou.
O lo’o nonof faatasi ma lona aiga silia ma le luasefulu, ae o lo’o nonofo lava laua ma lona toalua ma le la tama i lo latou fale.
“Fiagata le soifuaga aemaise lava iai maua e leai seisi e faigaluega, o le uso o lo’u tina o lo’o fai ana mea taulima, o lo’o ma fesoasoani iai, aemaise le faatoaga o lo’o ma galulue ai aua se meaai mo i maua lava.
Pau le mo’omo’oga o le tina, ina ia mautu so la fale. Aua leola maloloina o si a la tama.
“O le alolofa lava i mata o tamaiti, aemaise le ola tuputupu a’e o le ma tama, o se fale lelei toe mautu.
E ui lava la i le tele o mea e fai, o faalavelave faa-le aiga ma mea e fai a le Nuu ma le Ekalesia, ae e le tuua ai lava aua o mea e tatau ona fai.
“Ua masani ai lava o tatou tagata, po o lea le tele e faia lava.
O lona talitonuga, o nei mea uma tusa po o le a le taugata o iai, ae efaataunuuina lava, ae o lea measili lava mo Faasili ma lona aiga, o le maua lea o se latou fale lelei toe mautu.
O le miti la a le tina mo sina fesoasoani mo so latou fale fou, aua le tausiga o ia lava ma lona aiga.