Ua ese aga o nei aso

By Seia Soloi 06 March 2017, 12:00AM

E mau ‘ese’ese lava tagata i le tau o le soifuaga ua iai nei, ma e eseese lava auala e fa’atino e tali atu ai.

O le manatu fa’aalia lea o le tamā i a Paetau Falealii, 69 tausaga le matua o Fasito’o-Uta.

“E fa’apena lava lenei soifuaga, a alu lava i luma le olaga ua faapena foi ona sii le tau o le olaga, tusa lava po o lea le taugata ma le faigata e faapena lava, ae a iai se faatoaga, o le fesoasoani sili lava lena mo oe ma lou aiga” o lana tala lea i le Fofoga o Samoa.

O Paetau o se fai-faatoaga e aofia ai talo,ulu ma ufi, ma o lana masani lava lea i aso uma, o le galue ma faatauina i le maketi aua se tupe maua mo ia ma lona aiga.

“E faimai lava lo’u aiga ou te malolo i le fale, ae e le mafia lava ona out e fiafia ou te galue, ma ua ou masani ai lava a’u ia iai.

“E silia ma le $300 la’u tupe maua mai i la’u faatoaga pe a faatau, o talo, ulu ma ufi e sefulu a la ato mai I le Aso Gafua i le Aso Toonai. O tupe e maua mai ai o pili a le fanau, aua e toatolu le fanau o lo’o ao’oga ma le toatolu o lo’o i fafo.

O lona manatu, tele tagata lenei vaitau ua leiloa le taua o le faatoaga, ae o le faatoaga o se faamanuiaga aupito sili lea o taua mo le tausiga o le aiga, a leai se tupe i le aso ae o lo’o tatou tua i le faatoaga i le tele o taimi.

“O faalavelave faale-aigaaemaise o mea fai a le Nuu ma le Ekalesia, ua masani ai lava.

Na ia taua foi, ua tele lava le suiga ua iai nei vaitau pe a faatusatusa atu i lo latou vaitaimi.

“Tele le suiga, o le suiga o le olaga, o matua ma fanau aemaise o faalavelave tutupu mai ua aafia ai lo tatou atunuu, o le vaitau lava ma lona suiga.

O le naunataiga o le tama ina ia aua nei ola faalolo lona aiga ma ia mautinoa o lo’o lava le faasoa ma maua mea i laufanua aua le tausiga o aiga.

By Seia Soloi 06 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>