Talosagaina e Le Tagaloa ia mau le toovae ma tausi le filemu

199 Hits

Le Tagaloa Dr. Pitapola.

Le Tagaloa Dr. Pitapola.

Ilia L. Likou

Faaliliu e Seagaitumua Tupuola

Ose sui faatu mo le faiga-palota na faaleaogaina ma o se Minisita muamua o le Kapeneta, o Le Tagaloa Dr. Pitapola, ua na talosagaina le afioaga o Sili ma nuu o le itumalo o Palauli Le Falefa-ina ia tausi le filemu.

Na fai e Le Tagaloa lea talosaga ananafi ina ua tulai mai lipoti e faapea ua faate’a e le afioaga o Sili –le Minisita Lagolago o le Si’osi’omaga, o Faumuina Tiatia Liuga ma le Pulenuu o le nuu, o Mata’u, e faavavau. O Faumuina, le Minisita muamua o Tupe na te umia le suafa matai o Faaolatane i le nuu o Sili. 

O lea faasalaga e mafua mai se faaiuga a le Faamasioga lea na faaleaogaina ai le avea o Le Tagaloa, o se tamalii lea o le afioaga-ma sui faatu mo le faiga-palota, ona o se manaoga tau le monotaga poo se tautua i le nuu. Na faamaonia e Le Tagaloa lea faasalaga ananafi. 

Fai mai a ia o lea faaiuga na fai i le Aso Faraile talu ai ma e aofia ai Faumuina lea ua faasa ai Faumuina ona ia faaaogaina le suafa o Faaolatane poo le toe tuvae atu i Sili i soo se taimi. “Na ‘ou maua se valaau i le Aso Faraile talu ai e uiga i lea faaiuga a le nuu,” o le faaaliga lea a Le Tagaloa. “Sa ‘ou taumafa e faafilemu lea mataupu ae fai mai  (le fono a le nuu) o le latou faaiuga ua uma ona fai. 

 “O le latou mau e faapea ua faatiga Tiatia i le nuu ma ua na soli tapu a le nuu e tusa ai ma lana lu’itau tau le agavaa.” Fai mai Le Tagaloa e ui lava ina tele lana taumafaiga na fai, ae ua le mafai ona ia suia lea faaiuga. 

 “O le latou maua ona pau lava lenei o le faiga e mafai ai ona toe faafo’i atu le filemu ma toe tausi le tulaga masani e tusa ai ma faavae o le nuu,” o lana faaaliga lea. 

 “Na faate’a foi ma le pulenuu talu ai ua na le tausisia le mea na fai atu ai le Tuua o le nuu e faapea-E le mana’omia le faia o se monotaga a Le Tagaloa i totonu o le nuu.”

Na ia toe ta’ua e faapea o le suafa o Faaolatane o se tasi lea o suafa matai a Le Tagaloa. “I totonu o le Faamasinoga, o lea matai (Faaolatane) e pule ai Le Tagaloa-ma e le tatau ona faia se monotaga a Le Tagaloa. O le pogai lea ua le fiafia ai le nuu talu ai ua latou iloa e faapea o le Le Tagaloa o se Pāpā ma e le mana’omia na te faia lea tulaga.”

Mulimuli ane, sa una’ia e Le Tagaloa le nuu ina ia tumau i le filemu. 

 “Pau lava le mea ou te mana’o i ai o se faiga-palota to’afilemu,” o lana faaaliga lea. “Ua uma ona ‘ou talosagaina le fono a le nuu ina ia mautinoa o loo to’afilemu uma ma sologa lelei i le Aso Faraile.” “Ou te iloa o loo tumau pea ona i ai auala lelei e fo’ia ai soo se mea.”

Na faamaonia foi e Le Tagaloa e faapea o loo ia apiliina le faaiuga ma o loo i ai lana fuafuaga e avatu lea matauu i se Faamasinoga aupito i maualuga e mafai ai. 

Sa le mafai ona maua mai le manatu faaalia o Faumuina ananafi.

© Samoa Observer 2016

Developed by Samoa Observer in Apia