Manatu o le Fa’atonu - E momoli atu le Faamalo ia i latou uma ua manumalo

132 Hits

Tusia - Mata’afa Keni Lesa

Faaliliu e Seagaitumua Tupuola

 

Ia-o le taunuuga lena Samoa. O mea lelei uma e taunuu i le lelei. 

E tusa ai ma le faitaga muamua e le’i aloa’ia ananafi o le Faiga Palota Lautele lea ua mae’a ma ua pefua, ua tuuina mai ai ia i matou se ata talafeagai o i latou ia o le a i totonu o le isi fonotaga a le Palemene, ma o se taimi lea e manava ma le faafetai Samoa. 

Ua o se malaga fita tele, o se malaga umi na’ua mo le toatele o sui faatutu ma o latou aiga. O le mea lea ua tatau ona  outou tuuina atu se po i outou tua. E le o se mea e faigofie. Matou te iloa o lea malaga e o’o mai i le taimi nei sa faagasolo mai le tele o tausaga ma masina e tusa ma tapenaga. 

O le mea ua mautinoa-semanua e alu ai le faitau afe ma afe o a outou tupe na saili ma le tiga, e ono mafai foi ona faapea e tatau ona fai ni taulaga osi e tusa ai ma le taimi o le aiga ma noataga tau galuega.

Ma ia ‘aua nei galo ia i tatou le tiga o lagona, mafaufau ma le tino o tataga uma lava na aafia ai. Mafaufau i le ala umi o faatosina, o lu’itau, o pepelo ma le tau faasese. Ae peita’i-atonu sa i ai foi ni taimi e fiafia ai, manumalo a’ia’i ma nai manumalo iti ia e tatau ona toe mafaufau i ai. I le taimi nei la- a talanoa loa i manumalo, o le itu e faanoanoa ai ona e le mafai ona manumalo tagata uma. E tatau lava ona na o le toatasi e manumalo i itumalo ta’itasi uma-tusa lava pe o le uiga o lena mea o le 49 poo le 54. 

Talu ai ona o lenei tusitusiga na tuufaatasi anapo, o faaaliga vave mai le ulua’i faitauga e le o aloa’ia e faasino i se vaega o ni mea ua faaletonu.Ma e leai so matou manatu e faapea o le a alafa’i mai o tatou tagata ma maua e faapea ua toe maua foi e le Vaega e Puipuia Aia Tatau a Tagata (H.R.P.P.) se aofaiga tele. 

Ae peitai-sa matou iloa lelei lava lea tulaga i taimi uma. O le faiga-palota ua na o se tulaga aloa’ia. O le mea moni, a’o sauni atu mo ananafi, sa leai lava se taimi sa i ai se fesili pe faamata e toe foi mai le H.R.P.P.. Sa matou iloa e malolosi tele i latou ma o faailoilo uma lava sa faasino i se vaega to’atele.

O soo se tasi sa manatu e faapea e maua se avanoa e le Tautua Samoa Party atonu e msani ona talosaga i le La ina ia oso mai se itulagi la te faafeagai lea e masani ona oso mai ai i taeao uma. 

Ae peita’i-aua tatou te faatalale i le Tautua Party. E le tatau lava ona tatou faagaloina a latou taumafaiga ma lo latou loto- toa e faafeagai ma se masini faapena e lelei ona faa-suauu e pei o le H.R.P.P.  Sa matou fai atu pea e mana’omia le lototele e faasaga tau ai i le faigamalo o aso nei. Ma o le mea tonu lava lena na fai e sui faatutu o le Tautua ananafi.. A faapefe tagata uma ma tupe na ofo atu e le malo e faatosina mai ai sui faatutu uma i le latou itu, o ai a fai mai leai i le H.R.P.P.?  O se faataamilosaga e matua faigata lava.

O le mea lea-ia tatou ifo ia Palousalue Faapo II, A’e’au Peniamina, Afualu Dr. Wood Salele, Lefau Harry Schuster, Papalii Li’i Masipau, Aveau Niko Palamo, Toeolesulusulu Cedric Schuster ma a outou sui faatutu uma.  

Aua le fiu-gofie, e tumau pea ona i ai le isi taimi. I le isi itu, matou te faafetaia le Palemia o Tuilaepa Sailele Malielegaoi ma sui auai uma o le faigamalo a le H.R.P.P. mo le isi manumalo mata’ina. 

O le taunuuga e anoano ona upu e uiga i le faatuatua ma le faamoemoe ua tuuina atu e tagata o Samoa i le H.R.P.P. Ua latou sauna i le taimi nei e faafoe le atunuu mo le latalata i le 40 tausaga, o se matati’a uiga ese lea.  

Ma ona o lea ua matua filifilia lelei sui usufono o le Palemene-ua tapu ai talosaga tau faiga-palota ma isi lava suiga tetele i totonu o le faitauga aloa’ia –ma ua liliu nei mafaufau i le H.R.P.P. ma le faiga e faatulaga ai lana taitaiga. Ae peitai, o le tala lena mo le isi aso. 

I le taimi nei, e lelei ona tatou faamanatu ma ia sui faatutu ua manumalo ma ia ‘aua nei galo e toatele lava ia o tagi aue.  

Ia outou maua Samoa se faaiuga matagofie o le vaiaso, ma ia faamanuia atu le Atua! 

© Samoa Observer 2016

Developed by Samoa Observer in Apia