Fia avea ma Misionare

By Ilia L Likou 16 December 2017, 12:00AM

O lea le miti o lo’o fa’ananau ai le Sili Aoao o le Kolisi o Sagaga i le lumanai, Filiorosa Ailama.

E fa isi fa’ailoga na ia mauaina le tulaga muamua lea e aofia ai, le Gagana Samoa, Gagana Peretania, Computer ma itu tau A’oa’oga i le Kolisi.

I le fa’atalatalanoaga ma le Samoa Observer na ia fa’ailoa ai le tulaga o lo’o ua matua’i nanau ai le taimi lenei o le ‘avea ma misionare’

“Ia e leai lava se isi mea e mafai ona o lua ma le ola e talitonu i le Atua, ma fa’atuatua i lona Mana na te fa’aatoaina le vaivai.

‘O lea fo’i ua ausia lea tulaga, ia o le viiga e fo’i i le Atua , e fa’afetai ai lava matua ona o le lagolago aemaise o tatalo.

O le fia avea ai o ia ma misionare o se manaoga tele lea.

‘E pei ona ou fa’ailoa muamua atu ia e leai lava se isi mea e mafai ona fa’aaogaina ai le ola ole tagata ma maua ai le manuia i le lagi.

“O le ola e auauna i le Atua, e masalo o lea lava fo’i le tulaga olo’o ua matua’i taumafai atu ai.

“O le itu taua, o le iloa o le Ali’i aua o lenei lalolagi e mavae ae o mea i le Atua e le mavae lea, ae o le ola e fa’avavau.

O lo’o ua tapena atu nei o ia mo le Iunivesite i le tausaga fou.

 

O Sili i Tausaga Ta’itasi

Tausaga 9 – Stallar Lolesio

Tausaga 10 – Liua Siale

Tausaga 11 – Nerisa Sanele 

ma Lorina Filemu

Tausaga  12 – Julie Pogai

Tausaga - Filiorosa Ailama

By Ilia L Likou 16 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>