Ia fa’aleleia auala tetele

Tusia Vatapuia Maiava ma Ilia L Likou ,

116 Hits

NOT ONLY DOES IT DAMAGE OUR CARS BUT IT ALSO POSES A THREAT: Ioane Fatu, 32, from the village of Utuali’i.

NOT ONLY DOES IT DAMAGE OUR CARS BUT IT ALSO POSES A THREAT: Ioane Fatu, 32, from the village of Utuali’i.

O le fa’aleagaina o auala o se tasi lea o atugaluga o le to’atele o le mamalu o le atunu’u o lo’o ua i ai le taimi lenei.

O lea le itu na fa’aalia e Ioane Fatu, 32 le matua o le soifua o Utuali’i i le fa’atalatalanoaga ma le Fofoga o Samoa i le aso ananafi.

“Ia o le taimi lenei e pei ona maitauina le  tele o le mau ta’avale ua i totonu o si o tatou atunu’u ma o se popolega tele lea i le taimi lenei.

“O lea itu e pei e ave le titilo i le fa’aletonu o auala o lo’o ua i ai, aemaise lava taimi e fai tetele ai timuga, ia o lea ua o tatou maitauina lava le omo’omo le tulaga e pei ona ua i ai nei.

“E le mafai lava ona alofia e nai o tatou tagata le auala lenei oan e tele ina femalaga’ai atu ai i Savai’i ma le la fo’i itu o le atunu’u.

“Ae pei o lea lava le tulaga ua tele ina maitauina ma o lo’u ia talitonuga i ai ua tatau ona vave fai ai se fuafuaga le taimi lenei.

“O le tele o vaega e pei ona ua i ai, ia o le agaga maualuga lava o le tatalo lava lea i le malo i le fa’aleleiina aua o lea fo’i o le a amata le 2017 latou.

Na ia fa’ailoa o le naunautaiga o le vave lea ona o’o atu le fa’alauteleina o le auala e pei ona ua maitauina le taimi lenei i Vaitele.

“Ia masalo o lo’o ua talia le taimi lenei le o’o mai ai o le fa’alautele lea o lo’o sau mai Vaitele i tua nei.

“O lo’u ia iloa i ai, ia e manaia lea tulaga e pei ona  ua amata mai ai nei, ona e le gata ina sefe ai ta’avale a le to’atele o le mamalu o le atunu’u ae o le soifua ma’imau.

“Aua e le toe alofia le tele o omo’omo ia o le isi ta’avale e tifa ese mai le omo ae feto’ai ai ma le isi ta’avale i le isi pito.

“Ia ma maimau atu ai se soifua, o le agaga lava ia , ia fa’atumauina tele pea le saogalemu o le tele o auala tele vavave o lo’o i Samoa nei.

“O le fautuaga fo’i mo nai ave ta’avale e pei o le tulafono masani lava ,e  le tau tulia i sou sa’o luga o le auala, e tatau lava ona o ma le fuafua tatau lelei i luga o auala.

“Ia aemaise ai lava nei o lo’o  tele lava tafaoaga o lo’o ua fa’agasolo e le tele o nai o tatou tagata.

© Samoa Observer 2016

Developed by Samoa Observer in Apia