Tupulaga talavou fa’aalu tatau le taimi

By Vatapuia Maiava 04 December 2016, 12:00AM

O le ali’i talavou i a Felāga’i Liuulima 27 tausaga mai le afioaga o Tufulele o lo’o fai lana fa’atoaga ma e atina’e lava ia lona aiga.

Ina ua āfea e le Fofoga o Samoa le maota o lea ali’i i le aso ananafi sa ia ta’ua ai le aogā o le fa’aalu tatuina o le taimi o le tagata auā le manuia o lona lava aiga.

“O le taimi nei o loo i ai lava tiga ma faafitauli e le’o faapea foi o taimi uma e lelei ai.

“Ua maitau le tele o faafitauli o lo’o tula’i ma ii tupulaga talavou i lenei vaitau i le fa’amisa i le taulaga ma fai uiga matagā.

“O uiga uma nei o lo’o faia e nei tupulaga e ta’uvalea ai le aiga aemaise matua.”

Sa taua e lea taule’ale’a e ala ona mafua uma nei mea uma o totonu o le aiga ma le lē lava o le a’oaiga a matua.

“O le mafuaaga o nei mea uma e mafua mai i matua fa’afitauli lea e tulai mai.

“O le uiga o lau tala e mafua mai matua ona e latou te leo faia se faataitaiga lelei i fanau.

“E tatau ona aoai lelei e matua fanau i ala e tatu ona uia e pei o le o e sasa le vao ma toto tiapula o mea ia e tatau ona aoaoina e matua i fanau.

O nisi matua ua tuufau a latou fanau e aunoa ma se aoaiga e fai ua le faia lo latou tiute e tatau ona fai ina ia ola ae ai tamaiti latou te iloa le mea e tatau ona fai ina aua nei ola ane ai tamaiti ua latou iloa le mea e tatau ona fai.”

Sa fa’aalia e Felāga’i e le o tupulaga talavou uma ia o lo’o faia ia uiga mataga.

“Ou te iloa foi e au ia e le’o talavou uma ia faia ia tulaga mataga faapea.

“Ou te iloa o Apia lava i le maketi lea e tulai mai ai faafitauli nei o le ala foi lea ua faasa ai ona toe taumafa nisi i nofoaga faitele ona o faafitauli ia ua tulai mai nei.”

O le ā lā se fofō o nei fa’afitauli?

“Ou te iloa e a’u o le fofo ia faafitauli o le tilotilo lea i luma ma vaavaai poo le a se manuia o le aiga o maua ma ii nei faiga.

“Ia tatau ona faalu tatau le taimi aua le aiga ma le tausiga o matua.

“O a’u ia ou te nofo lava na o a’u.

“Ou te alu e toto tiapula ma velvele au fala ma tata laau.

O isi fo’i taimi e ave ai fua o faaeleelega  e faatau e maua mai ai tupe e fai ai o’u ia manaoga ma toe fa’atau mai ai isi mea e aogā i le fa’atoaga.

“O le tupe la e maua mai i mea e faatau e faaaoga lea e faatau mai isi mea e faaaoga i le faatoaga e pei o agaese, vailaau ma isi mau mea e aoga i le faatoaga ia ma fai ai meaai.

O le mea lea o sa’u fautuaga i talavou fa’aalu tatu le taimi tausi matua e maua ai manuia ae aua le faaalu seseina le taimi e leai se mea aogāmaua ai.

By Vatapuia Maiava 04 December 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>