Ia manuia fanau

Tusia Ilia L Likou ,

45 Hits

Aseni Aseni

Aseni Aseni

O le maua o le fa’atalatalanoaga ma le tamā i a Aseni Aseni na ia fa’ailoa ai o lo’o sologa lelei mea uma i Samoa se’i  vagana ai le tulaga tau tupe.

“Ia masalo o si o’u aiga o lo’o aofia ai lea tulaga ma o lo’u iloa i ai o lo’o aofia ai le to’atele o le atunu’u i le taimi lenei.

“O le uiga o la’u tala, e pei o lenei vaitau, o le fa’afitauli tele lava lea, o le lava o le fa’asoa i le itu tau tupe, a leai se tupe e leiloa po o le a le faiga o le fai ai le fa’asoa i lea aso i lea aso.

“O le uiga o la’u fa’amatalaga o tupe lava mea uma.

O Aseni o lo’o galue o se leoleo i se tasi o kamupani i Vaitele.

“Ia e tusa ma le $200 la’u tupe e maua i le vaiaso, o lo’o lelei le totogi ae o le tau o le soifuaga le faigata o lo’o feagai ma nai o tatou tagata.

“E fiu lava e tau fa’asao se tupe, ia e a u’u se tupe tele le taimi lenei e pei lava o lae u’u le 10sene, aua fo’i ua matua’i alu i luga le tau o oloa aemaise o auaunaga ese’ese.

O lona silafia a le galue e le mafai fo’i ona ola lelei.

“E pei o le tele lava o tagata ua tele lava ina tua i galuega mo le tausiga o aiga, aua a nofonofo le fale e pau le mea e o’o i ai e fai o le fia’ai ae fa’ai’u ai na su’e se mea e nofo.

“Ua le’o toe faigofie nei aso, ua alu i luga le tau o le soifuaga ma le tauaga o vaega uma e pei ona fa’ailoa muamua atu i luga.

“O le itu lelei i a te a’u lava ia, o a tupe e maua e fa’amuamua lava si a’u fanau o lo’o i le aoga, o lo’o ua faigaluega se tasi o atalai’i.

“Ia o lo’o fesoasoani tele i le taimi lenei, o a lava la faigata aemaise le tulaga ma’aaleale ua i ai nei Samoa ma le tamaoaiga.

“E pei e fa’aososfia lava lagona e faigaluega pe a va’ai atu i fanau, ma le agaga maualuga ia i’u ma le manuia a latou taumafaiga.

“Ma ia maua so latou lumana’i manuia.

© Samoa Observer 2016

Developed by Samoa Observer in Apia