E i ai lo matou sao!

Tusia Ilia L Likou ,

64 Hits

Gaugatao Ropeti

Gaugatao Ropeti

O le lumana’i o aiga, ekalesia ma le atunu’u e fa’alagolago o le lelei  o tupulaga talavou o le asō.

O lea manatu fa’aalia o le ali’i talavou i a Gaugatao Ropeti i le Fofoga o Samoa i le aso ananafi.

“Ia o la’u galuega o lo’o fai lo matou aiga i le taimi lenei o le  fai o feau masani pe a o le aufaigaluega e galulu’e.

E maua le fa’atalatalanoaga i le aso ananafi o lo’o ua aga’i atu o ia e fai fafie aua le kukaina o mea’ai a le aiga i lea aso i lea aso.

“Ia e pei o lea lava le masani, aua  o lo’u iloa i ai , e sili atu ona tele galuega o le au nofo fale nai lo i latou o lo’o o i galulue.

“E pei e mamafa le tele o galuega i a te’i matou, ma o le itu mautinoa lava lea.

“O le uiga o la’u tala a lelei i matou o lo’o tausia aiga ma taputapua’i le au o e galulue ia e sologa lelei lava mea uma.

Na ia ta’ua le lelei o le sao o tupulaga talavou i totonu o aiga aemaise o ekalesia ma afioa’aga ta’itasi.

“O i matou o le malosi o le atunu’u, o lona uiga o so’o se mea o i ai le malosi e fa’alagolago i ai le to’atele.

“E le sese lea tala i a te a’u lava ia, aua a fua atu fo’i i e o lo’o galulue ia o lea lava le tulaga e tasi, e to’atele i tupulaga talavou ma o lo’o fa’alagolago ai aiga i tupe maua.

“Ina ia mafai ona fa’atinoina le tele o le mau fa’alavelave, o mea fai o le lotu, o le tausiga ma le anoanoa’i lava.

“O lona uiga a leai ni tupulaga talavou i so’o se atunu’u e le lelei se tulaga e mafai ona o’o i ai.

O lona ia iloa i ai e ao lava ona ave’ese le tusitusilima i tupulaga.

“Ia e lelei le a’oa’iga lelei, ae a tusitusilima loa e pei o le mafua’aga lea ua tele ina o ese mai ai nisi i totonu o aiga ma ekalesia ma afio’aga.

“O le mafua’aga lea e omai ai loa tupulaga ma fai uiga le talafeagai ona ua le galulue fa’atasi mo i latou nei.

‘Ae o le itu taua, e ao lava ona galulue fa’atasi le atunu’u atoa mo le atina’eina o tupulaga talavou, aemaise o fautuaga lelei ina ia una’i ai pea le sao o tupulaga i le atunu’u. 

“Ia fa’apea ona avatu i a te’i latou le alofa ma fa’atonuga ma apoapoaiga lelei mo lo latou lumana’i.

© Samoa Observer 2016

Developed by Samoa Observer in Apia