Ia taumafai aiga

Tusia Joyetter Luamanu ,

67 Hits

Akaka Tafeaga

Akaka Tafeaga

E le ma le mativa.

O lea le talitonuga o le tina i a Akaka Tafeaga na fa’ailoa i le Fofoga o Samoa.

Na maua le fa’atalatalanoaga ma Akaka a’o aoina ai atigifagu aua le fa’atauina atu mo se tupe maua a lona aiga.

“Ia o a’u ma si a’u tama lenei e iva tausaga o lo’o ma omai mo le fa’atinoina o lea tulaga.

 “Sa o ma savali mai lava i Vaitele-Uta mai Nu’ufou mo le aoina o atigifagu ia ma ua o tatou iloa uma lava e leai se ma pe a o’o le taimi e mativa ai.

“O le olaga lava lea o lo’o o tatou ola ai le taimi lenei, ma o le taumafai lava aua a nofonofo o lona iuga ia o le nofo o le fale e fiaai.

Na ia fa’ailoa o ia e to’aono le fanau.

“Ia o le itu mautinoa ou te le manao ou te nofonofo ae leai se mea e fa’alagolago ai le fanau.

“E leai fo’i se fa’ato’aga e fa’alagolago ai le taimi lenei.

 “E le mafai fo’i ona sue se galuega ona o a’u o la’u savali ma e pei ona e va’ai mai ia o lea e fa’aaoga le la’au e tau la’ala’a ai. 

“O le suavai ua tipi ona ua tele le pili, ia o le lava a o se seleni.

“Ua o tatou iloa uma le aoga o le suavai ma e leai se mea e mafai ona fai ae leai se suavai ma o se itu faigata tele o lo’o ua i ai nei si o matou aiga.

“E pei o lea lava le tulaga o lo’o ua taumafai ai pea ina ia tausia si a’u fanau ma le aiga, o le a lava le mea e mafai ona maua mai atigifagu nei o le mea sili lava o lo’o i ai sina vaega e tau napa atu ai.

“O lea lava le manaoga ia manuia aiga, ia ae talosia ia atonu ua latalata mai se lavea’i aemaise ai le Lotu Tamaiti o lo’o ua lumana’i nei…ia maua e si a’u fanau se lotu manuia.

© Samoa Observer 2016

Developed by Samoa Observer in Apia