E i ai lu’itau i so’o se atina’e

Tusia Vatapuia Maiava ma Ilia L Likou ,

139 Hits

Joe Isa’ako o Malie-Uta

Joe Isa’ako o Malie-Uta

O le aiga o le tamā i a Puele To’aimagalogo, 47 le matua o le soifua  na si’itia i Malie-Uta i le tausaga e 1989.

I le fa’atalatalanoaga  ma le Fofoga o Samoa na ia ta’ua ai ‘e le fa’apea na amata i se amataga lelei le  tau amatamataga o le aiga.

“E tusa na matua’i mamafa le avega i lena taimi , aua o le tausiga o tamaiti a’o laiti,  ia o le isi fa’afitauli sa i ai muamua o le auala, ia ae lea ua uma ona fa’ata.

“O le isi itu ia e leai se vai, ia ae na i ai le vaipuna o lo’o ga’uta i le fanua, ia o lena na fesoasoani tele mo le fuiina o le togala’au.

“Ia o isi taimi ua sau le fiu, ia o la’u ikia a fa’apea ua fiu i se isi fuala’au, ia sui le fu’ala’au e titilo i ai ina ia aua ne’i i ai se lagona e tu’u loa nei togala’au.

 “ E le fa’atoa fai lea o se fuala’au, o le fa’atolu ai lea le tōtōna o pi ma kapisi aua o kapisi lava na ola mai ai lenei aiga...kapisi lapotopoto , kapisi saina...

 “Na ou faigaluega ia ae o le taimi lenei ua nofo i le fale , e matua’i tele lava le ese’esega o le galuega ma le fai fa’ato’aga, o le galuega e le tele se tupe sa maua.

 “E moni lava e le tutusa lava ma le fanua ia o le la ua faigaluega le fanau e to’atolu ia ua lava i latou e faigaluega ae ma omai ma’ua e galue i le fanua.

“ Ia o le fanua lenei e 32 eka  ma o lo’o fa’aaoga lelei mo fa’i ma mea fa’apena.

“O lo’u lava ia iloa o le ma’umaga ia o le tupe lelei ia, o le pinati lava ia e lata le $4,000 pe ā fa’atau, e tolu masina ia ona se’i  loa lea o le pinati.

 “Ia e se’i fa’afa i le tausaga, ia o le totoina mulimuli lenei aua le Kilisimasi, sa ave fo’i  le pinati i Niu Sila ma le koko.

“O le pinati o lona fa’afitauli o le isumu, a o’o ina malosi manu fa’alafuā nei, e toeitiiti lava afa i le pito i o e leai se mea e maua ai ia lea ua aumai pusi ina ia tu’u itiiti ai vaega nei.

 “E matua’i leai se mativa, e ala ona mativa , ona ua fa’atamala  le tagata lava ia, o le tele o tagata ua matitiva i tatou, ae o le lē minoi ma le lē fa’aaoga lelei o le ‘ele’ele.

© Samoa Observer 2016

Developed by Samoa Observer in Apia