Fa’amuamua aiga - Tu’ulua

By Ilia L. Likou 04 July 2017, 12:00AM

O le tautua ai o aiga aemaise o le atina’eina o aiga mo se lelei alu i luma o le fa’amoemoega tele lea o Tu’ulua Tu’ulua o Vaitele.

Na ia fa’ailoa i le Fofoga o Samoa o le taimi lenei o lo’o avea o ia ma supokako o se tasi o pasi ma e tusa ma le $70 o lo’o maua i vaiaso uma.

“Ia o le taimi lenei o lo’o va’ava’ai atu lava ina ia mafai ona  fa’atinoina galuega i le mafai e gata.

O Tu’ulua e po lana va’ai ma na mana’o lava e avea o ia ma leoleo a’o laititi lava.

“Na mafua ona po la’u va’ai ona o se tasi o fa’alavelave tau ta’avale i tausaga ua mavae a’o 17 ai o’u tausaga.

“E pau le itu fa’afetai o lo’o maua le ola ma le malosi, aua e le taumateina o lea lava le tulaga o lo’o ua i ai le taimi lenei, o le maua lava o le ola.

“It was hard accepting the reality that my vision won’t be 100% but nonetheless, I had to accept it. 

“Ia e ui lava ina faigata le tele o taimi, ia ae leai lava se isi mea e mafai ona toe fai i le taimi lenei e ao lava ona alu ai lava i le taimi lenei.

“O le itu faigata ia e laititi lava ni vaega e mafai ona va’aia le taimi lenei, ia ma le fa’alogo o lo’o fesoasoani le tele o aso.

Na ia fa’ailoa o le tulaga e pei ona ua i ai o le a le mafai lea ona taofia mai ai o ia i le tele o vaega e ao ona  fa’atinoina i lona olaga atoa.

“Ia olo’o va’ava’ai atu lava sina galuega, aua e maua mai le tupe e fesoasoani ai mo sa’u tapa’a.

O le taimi lenei o lo’o mafai lava ona fesoasoani le tele o tagata e fesi’itia ma isi tulaga o lo’o mafai ona ia fa’atinoina i lana galuega o lo’o fa’atinoina mai lea aso i lea aso.

“Ia o le taimi lenei o lo’o mana’o e fai se to’alua ma le fanau ae e manaia ae muamua su’e se galuega.

“Aua e pei o lea lava le tulaga e ao ona muamua ona mana’o ai le taimi lenei o se galuega e mafai ai ona fesoasoani ai le lumana’i ma tausi aiga.

By Ilia L. Likou 04 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>