Galue to’atasi mo le tausiga o le aiga

Tusia Aruna Lolani ma Fetalai Tuilulu’u ,

74 Hits

GALUE MO LE AIGA: Junior Levi o Luatuanu’u.

GALUE MO LE AIGA: Junior Levi o Luatuanu’u.

E tatau lava ona galulue ina ia faigofie ai o so’o se taumafaiga o le olaga o lo’o ua tatou i ai le taimi lenei.

O lea le talitonuga o le ali’i talavou, 28 tausaga i a Juniour Lele’a o Luatuanu’u.

E maua le fa’atalatalanoaga ma Juniour o lo’o ua aga’i i le aiga i le ma’ea ai o lana galuega aemaise o tapenaga o le fa’apusa i le Aso Sa.

 “Ia o ‘au o lo’o o’u galue nei i le Falefa Resort  ma  o lo’o malolo mai le taimi lenei aua lava le atina’eina o aiga aemaise o le tele o le mau mea i lenei vaitau."

 “Ia o a’u e feololo lava si to’atele o si o matou aiga, ae pei o lea tulaga e le fou i totonu o si o tatou atunu’u."

 “O le taimi lenei , ia na’o a’u lava o lo’o galue i le taimi lenei mo si o’u aiga, ia ma e ta’u sa’o atu lava e le faigofie e taumafai e fafaga le aiga e 20 i aso uma."

Na ia fa’ailoa o le Sisigafu’a ma malologa o se taimi lelei tele lea mo aiga.

 “E pei o lea lava le tulaga e fiafia ai lava ina ia fa’atinoina vaega nei mo aiga, aua o lea lava le masani na o tatou soifua ma feola mai ai taimi uma o le olaga o lo’o ua tatou i ai nei."

Na ia fa’ailoa fo’i o le olaga lenei o le galue malosi lava aua lava aiga aemaise o fanau.

 “Ia e pei ona fa’ailoa muamua atu,  e le faigofie le tautua ai o aiga ma fafaga le ova ma le 20 tagata o lou aiga."

 “O lo’o I ai la matou fa’ato’aga e galulue ai le taimi lenei, ia e pei o lea o lo’o fa’amoemoe tele ai le taimi lenei."

 “Ina ua maua la’u ia galuega, ia e pei ua tau fa’alogoina lava le mamafa tele o lea tulaga ma o lea lava e taumafai e o’o mai le taimi lenei."

 “Ia o lea lava e tu’u ai le malosi , aua lava aiga ina ia ola manuia."

“I a te a’u lava ia o lea le fa’amoemoega tele lava i le taimi lenei, ia manuia le aga’i atu ai le lumana’i."

© Samoa Observer 2016

Developed by Samoa Observer in Apia