Fia avea a’u ma faiaoga

By Seia Soloi 04 March 2017, 12:00AM

O moomooga ia o le tamaitai ia Faitasi Olene, 21 tausaga mai le Nuu o Faleula. O lana miti lava lea o lo’o fia manao e avea ma faiaoga.

O lo’o nonofo faatasi ma ona matua I Faleula, e ui I le taufaasoasoa o le seleni I totonu o lona aiga, ae e le faavaivaia ai le moe miti o le tamaitai nei e fia avea ma faiaoga.

“Ua leva na ou miti ina ia avea a’u ma faiaoga, tele faitioga ua a tagata I le galuega faa-faiaoga, ae mo au lava ia, e ese le taua aua ana le leai le faiaoga, tatou te le iloa mea o tutupu ma mea taua o lenei lalolagi” o lana tala lea I le Fofoga o Samoa.

“E le avea ia atugaluga ma tulaga o lea faavaivaia ai a’u mai le tulituliloaina o la’u miti, aua o I tatou uma lava e iai lava miti tatou te mananao ai mo le lumanai.

Ua ia talitonu foi I le tele o suiga maluitau o le olaga I lenei vaitau, ae mo ia lava ia, o lo’o ave lava lana faamamafa I lana aoga aemaise le ausia lea o lona miti o lo’o moomoo iai mo le lumanai.

“Ua taugata le soifuaga, o pili aoga ma mea fai I totonu o aiga, ae o lo’o ave lava le faamuamua a matua mo lo’u pili aoga, aua o matoule lumanai o aiga.

O lo’o aooga  nei I le Iunivesite Aoao o Sa,moa, I lalo I le faamalumaluga o le Aoga Fa’a-faiaoga, ma o lona naunautaiga ina ia taunuu lana miti.

“O se lu’I foi lea mo au lava ia, aua le naunautaiga a nai o’u matua, ina ia iu lelei aoga ma ia maua so matou lumanai manuia.

O lana faamalosia’u foi lea mo nisi o lo’o moomoo e faataunuu a latou miti.

“Toaga e suesue ma fai le meaaoga, ma manatua le tapuaiga a nai ou matua o lo’o faatali mai.

By Seia Soloi 04 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>