Iva miliona le tupe ua le maua mo le falepuipui fou

By Lanuola Tusani Tupufia 09 August 2016, 12:00AM

O le Minisita fou e gafa ma Falepuipui-o ia foi lea o le Minisita o Tupe Maua, o Tialavea Tionisio Seinafolava o se alii lea e malosi lona faatuatua ma le lona talitonuga.

O lona tulaga lena e tatau ona i ai. Ua tuuina atu ia te ia le avega o le vaaia lea o le fausia o se falepuipui fou i Tanumalala, ma ua tuuina atu e le Matagaluega se $1 miliona mai le Malo, lea e itiiti ifo i lo le kuata o se tupe na fuafuaina e $10 miliona lea e manaomia mo le galuega. 

E talitonu le Minisita e leai se mea e faigata ma o ia ma lana Minisita Lagolago-e faalagolago i talosaga ma tupe foa’i faa-meaalofa. 

“Tou te tatalo i le Atua,” o le faaaliga lea a Tialavea. 

“I le faaiuga o le aso, e na o le tatalo le mea tatou te mana’omia. “O lea ua i ai le tatou $1 miliona mo tapenaga ma o loo matou faamoemoe ia toe maua mai nisi tupe. 

.”Tatou te tapena pepa ma tuuina atu i le Kapeneta lea o loo i ai le pule e fai ai faaiuga. “E i ai atiina a’e e amata i le $5 tala e pei o le Iunivesite Aoao ma o se faata’ita’iga lena, e mafai foi ona tatou faia.”O le toe siitia o le nofoaga o le falepuipui mai Tafa’igata i Tanumalala- o le fausia lea o ni fale se valu e aofia ai se falema’i ma se nofoaga tau le toe fuata’ina.  “Sa tuuina mai ia i matou se $1 miliona mai le faamatalaga tau tupe mo le tapenaina o le falepuipui,” o le faaaliga lea a Tialavea.

O le uiga o lena mea ia tapena auala, eletise, suavai ma isi lava mea. I le taimi nei, o loo matou manaomia ni tupe e faatupe ai fale patino lava ia o le falepuipui.” E tusa ai ma Tialavea, o Auaunaga Tau Falepuipui ma le Toe Fuata’ina-o lona tau atoa e $5 miliona mo lenei tausaga faale-tupe. Mai lena aofaiga, o le $1 miliona e alu i tapenaga o le falepuipui, ae latalaa i le $3 miliona e alu i totogi ae o le $360,000-ua faatatauina mo mea taumafa i le falepuipui mo le 12 masina. Sa faamamafa e le Minisita e faapea e ui lava ina umia le taimi o tatalo, ae o le fausia o le falepuipui e matua taua tele.

 “Ua silafia e tagata uma le manaomia faanatinati o le falepuipui,” o lana faaaliga lea. “Tatou te manaomia le faatino o lea tulaga.” O nisi o mataupu o loo i totonu o le galuega tau le falepuipui-o le maua mai lea o tagata e foa’i mai tupe ma tupe e faatino ai. 

O le tausaga talu ai na faaalia ai le fiafia o le Ofisa o le Amapasa a Saina ina ia fausia se aupa mo le falepuipui. 

Ae peitai-ua fesuia’i mea. Sa fai ni talanoaga ma i latou ina ia fausia se aupa  ae ua sui a latou mea e faamuamua,” o le faaaliga lea a Tialavea. Ae peitai-ua ofo mai latou te fausia se Nofoaga Tau Aoaoga a Leoleo. Sa le mafai ona mai se manatu aloa’ia mai le Amapasa a Saina ananafi.  

O se imeli na auina atu i le failautusi lona tolu a le Ofisa o le Amapasa a Saina, o Liu Peng-sa le maua mai i ai se tali i le taimi o lenei lomiga. O se Pa Sima fou mo le falepuipui i Tafa’igata o le a siitia i luga i le fa mita ma le uaea e pito i luga. 

I le taimi nei, o loo faaauau pea ona faatumulia le falepuipui i le tusa ma le 400 pagota ma se faaopoopga o le isi 70 o loo taofia.  Sa faamalamalama e Tialavea e faapea e na o le 53 le aufaigaluega o loo gafa ma le faafoeina o pagota faatasi ai ma le 20 o i latou ua uma ona faa-tauto. O le isi 30 o alii ofisa e le’i faatautoina o loo faatinoina le pulega ma galuega tau le toe fuata’ina.    

O le itu pe o faapefea ona faafoe e le Pulega se falepouipui ua pa-tutu’i, fai mai Tialave-o le aganuu lava le tali. “O loo faafoe e pei o se nuu lea o loo i ai ni matai matutua-i latou ia e gafa ma le vaaia o potu,” o lana faaaliga lea. “E le mafai ona tatou o ese mai la tatou aganuu ma ua faaalia lona aoga…..matou te le gafatia se isi aufaigaluega faaopoopo.” 

I le taimi nei, ua uma ona filifilia se komiti mo le fausia e gafa ma lea galuega. O le ata o le falepuipui ua mae’a ae le’i tuuina atu mo se faamaoniga a le Kapeneta.

Fai mai Tialave o le Pulega o le Suavai a Samoa, Faalapotopotoga o le Malosi Faa-Eletise ma le Pulega o Fela’ua’iga i le Laueleele-o loo galulue i auala mo fanua ua tuuina atu faapea foi ma le taumafai e tuuina atu le suavai ma le eletise i lea nofoaga.O se vaega-eleele e 550 eka ua uma ona tuuese mo ia fale.

By Lanuola Tusani Tupufia 09 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>