To’atolu ua taofia nei i le gaoi a’o avea ma tagata faigaluega

Tusia Deidre Tautua-Fanene ,

221 Hits

So’oupu a le Matagaluega a Leoleo, Auapa’au Logoitino Filipo.

So’oupu a le Matagaluega a Leoleo, Auapa’au Logoitino Filipo.

E to’atolu i latou o lo’o ua i lalo nei o le va’ava’aiga a leoleo ona o ni tu’uaiga i lo latou gaoia lea o ni meatotino mai le faletalavai i le falemai i Moto’otua.

O lenei matāupu sa fa’amaonia mai e le So’oupu a leoleo, Auapa’au Logoitino Filipo i le Aso Faraile.

O le moliaga o lo’o ua molia ai nei le to’atolu lea o le gaoi a’o avea ma tagata faigaluega.

O lenei to’atolu sa avea ma tagata faigaluega i le Falemai i Moto’otua ma ua fa’atasi atu ai nei ma se tasi o tinā lea sa taofia mai fo’i e leoleo i le amataga o le vaiaso nei.

“O le tinā lea e 40 tausaga le matua o lo’o molia mai fo’i i lona taua’aoina lea o ni meatotino sa gaoia,” o le saunoaga lea a Auapa’au.

“O lo’o taofia uma latou nei e to’afa i lalo o le va’ava’aiga a leoleo e tālia ai le aso e vala’auina ai le latou mataupu i luma o le fa’amasinoga maualuga.

Sa saunoa fo’i Auapa’au o le taimi nei o lo’o fa’aauauina pea su’esu’ega a leoleo e fa’atatau i le mataupu.

O le amataga o le vaiaso nei sa taofia mai ai se tina e 40 le matua o le soifua i lona ave fa’agaoi lea o ni meatotino e ono gaosi ai le aisa (meth).

© Samoa Observer 2016

Developed by Samoa Observer in Apia