So’o se tagata lava e iai lona matafaio

Tusia Fetalai Tuilulu’u ,

142 Hits

Le taule’ale’a ia Toni Leatuli, 23 tausaga mai Salelologa, Savaii.

Le taule’ale’a ia Toni Leatuli, 23 tausaga mai Salelologa, Savaii.

E eseese lava taleni ma agavaa na tuuina e le Atua I tagata. O galuega I le Malo, o le atinaeina o Aiga aemaise le ola manuia o oe ma lou lava aiga ma lau fanau. Na maua ai e le tatou polokalame le Fofoga o Samoa le taulealea ia Toni Leatuli, 23 tausaga mai Salelologa, Savaii ae o loo nonofo nei ma lona toalua ma le la fanau e toalua i Magiagi.

Faaalia e Toni: “E leai se mativa i totonu o Samoa,  o le tagata a ia ua ala ai ona mativa.”

“E toalua le ma fanau ma e leo aooga i le taimi nei ona e laiti o le ala foi lea e faigofie ai le tausiga o si o ma aiga aua nao matua lava o lo’u toalua tagata matutua o loo matou nonofo nei.

O le galuega masani a Toni mai le Aso Gafua i le Aso Toonai, o le faasavali ai lea o pepa mamanu Samoa e faaaogaina i Elei.

“E 2 ituaiga pepa elei o loo faia, o le pepa laititi ma le pepa lapoa, $25 ma le 45 o loo faatauina ai.

“O la’u galuega e leo na’o  iinei o loo alu ai le sapalai, e iai nisi pisinisi mai Tutuila, Niu Sila ma Amerika e fai mai a latou oka, e pei o iina a e maua ai a le $2000 i le vaiaso ia ua lava ma totoe lena e faasoasoa mo a’u ma lo’u aiga. 

Ua 5 ai nei tausaga talu ona nonofo ai iinei Toni ma lona aiga, ma i lea 5 tausaga ua maitauina ai e Toni le tele o faafitauli.

“E le lava avanoa faigaluega, tele tupulaga talavou ua iu mai aoga ma faauu mai ae matua lelava lava galuega.

Na amata mai le olaga o Toni o se fai maumaga ma o se tasi o ona uso na vaai iai Toni ma faaosofia ai lona lagona e n ate fia faataitai foi iai.

“Sa ou faigaluega muamua i le Cabella Construction mo le 3masina ma ou vaaia ai le leaga o totogi na maua a. 

“Ua tonu ai le faia lava o lata i lava pisinisi e tupe mautinoa ma le tupe vave.

“E le o na’o se galuega e maua ia le seleni, e esesese lava tagata ma lana taleni, faaoga tatau le taleni ma atina’e lava lou aiga aua o loo iai lava auala e atina’e ai. 

© Samoa Observer 2016

Developed by Samoa Observer in Apia