Ia ave le fa’amuamua i tagata lautele

Tusia Ilia L Likou ,

70 Hits

Le tamā i a Auimatagi Setu.

Le tamā i a Auimatagi Setu.

Na maua le fa’atalatalanoaga a le Fofoga o Samoa ma le tamā i a Auimatagi Setu ma na ia fa’ailoa le tulaga o le mana’omia ai pea o le taumafai e silasila lelei i atina’e mo le atina’e.

“Ia o lea le tulaga e pei ona tatou i ai, e pei o letele o le mau atina’e ua  tatou molimauina ia ua fai lava sina faigata i le tulaga e pei ona ua i ai nei.

“Ua tele ina o tatou fa’apea ifo ua tatau lava ona fai se fuafuaga lelei mo le tele o atina’e o lo’o ua i ai nei, ma o se tulaga lelei tele lea mo le to’atele.

“O si o’u lea maitau i ai, ia mafai ona fa’ataunu’uina e le malo nisi vaega e tau fesoasoani mai ai si o tatou atunu’u.

“Ua tele lava le mau atina’e o lo’o ua tatou va’ava’ai ai nei, ae ole fesili tele o le a  se vaega e ao ona fa’atinoina mo le lelei lautele o le atunu’u.

“Ia o lea lava le aagamaualuga olo’o ua matua’i ou taumafai ai le taimi lenei, e leai se aoga o le tele o le mau vaega olo’o feilaila fa’i mai ae o lona taunu’uga o lo’o i ai se mafatiaga mo nai o tatou fanau i le lumana’i.

“Ia o la’u ia masani e tele lava ina fa’atau a’u chips i luma o le faleoloa o le Saina mo si o’u aiga, ae o le itu mautinoa, ia ole a lava le faigata e taumafai pea ina ia atia’e aiga ma fanau.

“O se upu se fa’amoemoega mo se tupe teu, ia e leai se mea fa’apena e tupu mai, aua fo’i o lea lava le tulaga e tasi o lo’o taumafai i ai.

“Ia o le mea’ai a le aiga, e pei e leai se tupe ona alu atu lea taumafai e tu’u mo le isi aso.

Na ia fa’ailoa e ao lava i le malo ona silasila lelei fo’i i le atina’e tau turisi.

“Ia e mo le silafia ai o lea lava le tulaga e tasi o lo’o ua taumafai ai nei tagata uma, ia fa’apea ona maua pea le ola lelei o aiga.

“Ua le’o toe faigofie nei aso, ua alu i luga le tau o oloa ma e ao lava ina o tatou mautinoa lelei ia e le faigofie.

“E ao ona silasila ina ia fa’atupula’ia galuega mo le tele o nai o tatou tagata, aemaise ai le tele o fanau ua i’u mai Iunivesite ia ma nai tagata fai galuega o le Yazaki lea o le a tapunia.

“E leai fo’i se uiga o le tele o le mau  atiana’e ae o lo’o oi si o tatou atunu’u.

“E tatau lava ona ave le fa’amuamua i nai o tatou tagata, ae pei o nei atina’e ia ua tatou iloa uma e i ai lava ona itu lelei e i ai fo’i itu fa’alelelei.

© Samoa Observer 2016

Developed by Samoa Observer in Apia