Ua faatetele le finauga i le Fanua

04 February 2016, 12:00AM

Tusia - Deidre Fanene

Faaliliu e Seagaitumua Tupuola

 

O se faaseā mai se alii faipisinisi e 65 tausaga le matua e faasino i se fasifanua i Matautu-uta-e ono tuuina atu i le Faamasinoga.

O loo sailia e Tuilimu Tile Tiava’asu’e le fesoasoani mai se loia ina ua uma ona maua e lona aiga se faasilasilaga latou te tuua ai lea fanau, ma poloaina ai I latou ina ia tuua lea meatotino –lea sa latou faaigoaina o se aiga mo le 47 tausaga ua mavae.

Ua uma ona faafesoota’i e Tuilimu le Samoa Observer ina ia faailoa atu lona le fiafia i le faiga na tagofia ai lea mataupu.  O lona faamoemoe ia iloa lea tulaga e isi tagata o loo nofoia fanua e le o mau manatu i lea tulaga ma e ono aafia foi i latou i se tulaga faapea e pei o ia.

E tusa ai ma lana faaaliga, ua leva ona latou nofoia lea fanua talu mai le 1968, e ala i se feagaiga na faia ma Sione Ah Kuoi. “Sa fai la matou feagaiga ma Mr. Ah Kuoi i lea taimi e faapea e mafai ona matou nonofo i luga o lea fanua ma fau ai so matou fale,” o lana faaaliga lea.

“O se Vaega o lea feagaiga e faapea  a o’o loa i le taimi ua sauni ai o ia e faatau atu lea fanau-o le a na faatau maia ia i matou.” Ae ui o lea, ua le taunuuga lea feagaiga e pei ona fuafuaina.  “Na faatu atu e Mr. Ah Kuoi lea fanua ia Chan Mow e aunoa ma lo matou iloa.

Ua ‘ou le manatua le tausaga na faatau atu ai e Mr. Ah Kuoi lea fanua ia Chan Mow, ae sa matou faafesaga’i ma ia, ona fai mai lea ia matou talanoa ia Chan Mow.” Talu mai lena taimi, fai mai Tuilimu ua uma ona talanoa ia Komisi Chan Mow e uiga i le ono mafai ona latou faatauina o lea fanua, pe afai latou te manana’o e faatau atu. Ae ui o lea, pe tusa ua tolu masina talu ai, fai mai Tuilimu na latou maua ai se tusi ma ia Chan Mow o loo poloaiina ai i latou ina ia o ese.

“Ou te le iloa pe aisea ua latou manana’o ai e aveese I matou,” o lana faaaliga lea. “Ua leva ona matou nonofo iinei mo se taimi umi. Sa ‘ou alu atu ma maua se loia-ma sa matou talanoa ma la matou loia e tasi lava le aiaiga o le a matou o ese ai.

O lea aiaiga-ia tuuina mai e Chan Mow ia i matou ni tupe mo a matou aseta.”E le’i faailoa maia e Tuilimu le tau o a latou asset. Ae peitai-fai mai a ia ua uma o latou ola o tau ati a’e lea meatotino.  “Ae tusa ai ma le faamatalaga atoa e uiga I lenei meatotino, o le taimi muamua na matou nonofo ai iinei, e leai sona vaega e mago,” o lana faaaliga lea. O lenei fanua atoa o le taufusi.” “Sa faaalu a matou tupe e aumai ai loli ma uta palapala ma ma’a e faa-laugatasi ai lenei fanua atoa.

O lo latou fai mai la matou te o ese e aunoa ma soo se mea e toe totogi ai i matou-e matua le taitai lava ona sa’o.”Fai mai Tuilimu ua nofo sauni o ia e finau lenei mataupu i le ala atoa se’ia pa’ia le Faamasinoga, ina ia mautinoa ai e ia ma lona aiga-latou te le o ese gūgū.

“E tatau lava ona I ai se amiotonu I se mea,” o lana faaaliga lea. “Ua ‘ou lagona e le o sa’o le faiga o loo fai ia i matou.”Sa le mafai ona maua mai se manatu faaalia o Sione Ah Kuoi. Ae peitai- i le avea ma sui o Chan Mow, fai mai Anufesaina Grace Chan Mow, o lea mataupu ua uma ona tuuina atu i le latou loia

“O lea fanau o le fanua o le kamupani ma ou te le iloa pe o le a le feagaiga na fai muamua e Tuilimu ma ia tagata,” o le faaaliga lea a le tamaitai.  “Na matou tuuina atu foi ia I latou se fanua e mafai ona o I ai ae latou te le manana’o I ai, ua matou le iloa lava pe o le a le isi mea o loo latou manaomia.” Ina ua fesiligia le tagi tau le taui a Tuilimu, fai mai Anufesaina o lea talosaga ua tuuina atu i le latou loia.

 “O le latou loia na auina mai i le matou loia se tusi fai mai e tatau ona matou totogi atu ia i latou ni tupe mo a latou aseta uma lava……ae le mafai ona matou totogi soo se mea matou te le o iloa.” Na toe faaalia e Anufesaina e faapea o se feagaiga na fai i le va o i latou e faapea e leai se aseta mautu e fausia i luga o lea fanua. 

“Ina ua fai la matou lisi, sa matou ta’u atu ia i latou e leai se mea tumau (e mafai ona fausia) ona e le o so latou fanau,” o lana faaaliga lea.  “Sa matou auina atu ia i latou se tusi e faamuta ai lo latou nofoia o le fanua i le tausaga talu ai ia Oketopa ma sa tatau ona latou o ese ia Tesema ae o lea lava o loo latou nonofo ai.”Ina ua fesiligia e uiga i le faamata’u a le aiga o le a latou tuuina atu lea mataupu i le Faamasinoga, fai mai Anufesaina o le latou aia tatau lena. 

“E leai sa matou faafitauli pe afai o le faiga lena latou te manaomia e fo’ia ai lenei mataupu,” o lana faaaliga lea. “E matua leai lava sa matou faafitauli talu ai o loo ia i matou faamaumauga uma lava.”

04 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>