Galue malosi ina ia manuia aiga

Tusia Vatapuia Maiava ma Sarafina Sanerivi ,

135 Hits

Junior Atonio mai le afioaga o Faleula.

Junior Atonio mai le afioaga o Faleula.

E ese’ese lava tagata ma a latou fuafuaga na fa’aaoga ai aso malolo o le fa’amanatuina o le tausaga fou i lenei tausaga. Ae mo le taule’ale’a ia Junior Atonio e 22 tausaga mai le afioaga o Faleula, na fa’aaoga lelei le aso malolo e fesoasoani ai i fe’au a lona aiga.

Na ta’ua e Junior, o se fiafiaga tele lea ia te ia, o le maua o le avanoa e fa’apena ona fesoasoani ai e fe’au a si o latou aiga.

“Manaia lava aso fiafia ma aso malolo o le tausaga fou.

“Ae o le taimi nei, e o fa’atasi lava le fiafia ma le fa’atinoina lea o fe’au taua a le aiga.

“O le taimi lelei lava lenei e fesoasoani ai i feau a le aiga a’o le’i oo foi le taimi e toe a’e ai galuega. Po’o le a lava le ituaiga fe’au, o le mea taua lava o le mafai ona faia o se galuega alofa mo le aiga. “E pei foi ona tou tau mai i lenei taeao, o lo’o faia le galuega a si o matou aiga, o le fa’anaunautaiga lava ia uma atu nei aso malolo, ua maea foi nisi o galuega e mo’omia le toe fa’aleleia i totonu o aiga aua foi lenei tausaga fou.

“Ua uma foi le taimi o le tafao, ae o le taimi lenei o le fa’aaoga tatau o lenei aso manu foi e le’o timu ina ia fai ai sina fe’au lelei.”

Na ta’ua e Junior o le olaga lava lea o le Samoa ua masani ai.

“O le olaga lava lea ua tatou masani ai. E fa’aaoga tatau lava o tatou taimi e fai ai feau a aiga.”

Ae peita’i na ta’ua e Junior, o lo’o ua iai lava nisi o suiga i le olaga o Samoa i lenei vaitau.

“E moi lava i so o matou aiga, ae o lo’o lava lava le fa’asoa i tupe maua a tagata faigaluega.

“Ae o nisi aiga, o lo’o feagai lava ma le fa’afitauli lea o le utiuti o le fa’asoa.”

Na ia ta’ua foi, o lona fa’anaunauta’iga o lo’o iai nei o le saili lea o se lumana’i manuia mo lona aiga.

“O lo’o la’ititi lava le olaga i le taimi nei, ma o lo’u fa’anaunauta’iga ina ia galue malosi aua se lumana’i manuia o aiga.”

© Samoa Observer 2016

Developed by Samoa Observer in Apia