Faae’e atu e le Aiga o Ulugia suafa matai
Tusia - Pai Mulitalo Ale
Faaliliu - Seagaitumua Tupuola
Na faafeiloa’i e le aiga o Ulugia i Vaiusu le sili atu i le 100 matai fou. O loo filo ia i latou ni sui o le aiga e 46 na faae’e atu i ai le suafa Ulugia.
O lea sauniga na faatino i le taeao o le Aso Lulu.
O le fofoga o le aiga o Ulufia Petelo, fai mai o lea sauniga o se mita lea ua tino mai mo le aiga talu ai e umi se taimi sa latou tapena ai mo lea faamoemoe. Fai mai Ulugia o le taimi mulimuli na latou faia ai se sauniga o le faae’e atu o ni suafa matai o le 2009.
Ae peitai ua matou lagona ua fetaui ma le taimi le toe fai o nisi matai e tausia le aiga ma tautua le nuu, “ o lana faaaliga lea. O lea na fai ai le faaiuga e fai lenei sauniga i le asti
“O le isi mafuaga mo lea faamoemoe ia aumai faatasi ai lo matou aiga e faamanatu iinei. O le aiga o Ulugia o se tasi lea o aiga aupito i tele i Vaiusu. Na malaga mai tagata i Samoa mai vaega uma o le lalolagi mo lenei sauniga faapitoa.
O le aiga o Ulugia o loo i lalo o le taitaiga a Ulugia Ofila (Sa’o o le Aiga), Ulugia Tovi’o ma Ulugia Petelo.