Ia ola taumafai

By Ilia L. Likou 03 December 2017, 12:00AM

O le taugata ai o le soifuaga o se itu lea ua mafua ai ona toe silasila Sauileone o Falelauniu mo se isi tupe fa’asili.

Na ia fa’ailoa o le taimi lenei e to’atasi lo la alo ma le tinā o le aiga.

“E pei o lea lava le tulaga o lo’o ua i ai le taimi lenei i lo’u iloa i ai, ma o se itu taua tele lea i a te a’u lava ia.

“E le faapea ua tau leaga atu galuega o lo’o ua i ai le taimi lenei, ae e pei o le lava le fa’asoa lea e i ai ia e uma lava le $100 i vaega mo la ma’ua tama.

“E pei o lea lava le tulaga o i ai, ma ou te iloa o lea lava le tulaga olo’o ua i ai le tele o aiga ua i ai le taimi lenei.

Na ia ta’ua o se itu ua tauai ina le mafai ai lava ona fa’atino o so’o se itu.

“Ia o lea lava le tulaga ua i ai nei, o le taumafai lava ia tatou ola fa’atasi ma o tatou tagata i se tulaga e taumafai e saili se vaega e maua ai le tupe fa’asili mo nai o tatou aiga.

“E pei o le taumafai ai pea, ia e ono maua ai se fesoasoani, o se tulaga e le tatau ona nofoa’i ai pe a o tatou iloa ua fa’aletonu vaega uma o lo’o ua tatou taumafai ai aua le aga’i ai le lumana’i ma le tele o vaega fa’atino.

Na ia ta’ua ua taugata le soifuaga.

“Ia e le toe alofia lea tulaga, ma o se itu e le tatau ona o tatou nofoa’i ae taumafai ina ia o tatou malolosi e savavali e tusa ma vaega e tatau ona o tatou fa’atinoina.

‘E pei o lea lava le tulaga e ao ona o tatou va’ava’ai ai le taimi lenei, ua faigata lava ma e tatau lava ona o tatou minoi e tusa ma suiga ua i  ai nei.

By Ilia L. Likou 03 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>