Manatu O Le Fa’atonu - Mafaufau Faale-atunuu

By Faaliliu e Seagaitumua Tupuola 03 August 2016, 12:00AM

O le mea moni e le mafai ona faafitia e faapenei. O loo tete-mu le lalolagi i luga o ‘augutu o se faafitauli tau le soifua maloloina ma taumafa. Ma e ui lava ina tele a tatou taumafa i totonu o Samoa i le taimi nei, ae o lea tulaga e le mafai ona tumau ai pea.

E ui lava ona o le faatalale o le tagata ua faaitiitia ai alamanuia faale-natura mai o tatou eleele ma i totonu o le vasa, ae o le faaalualuŏ o isi atunuu malolosi ma faalapotopotoga o le a mautinoa ai  e faapea a tatou tuleia i le mea e gata ai, o le a afaina ai atunuu e sili ona laiti-ona o lenei faiga faavalevalea. O le mea moni, i le avea ma malo itiiti e mamao ese mai le lalolagi tele, o le taimi tatou te tuleia ai, o le a avea lea ma se tasi o atunuu muamua e afaina ai. Ua uma ona matou iloa lenei tulaga talu ai-o loo tupu foi i totonu o isi atunuu e pei o le malosi o le suiga o le Tau.

O le pogai lea a tatou tilotilo ai i le tulaga o mea i aso nei, ua mautinoa lava e faapea o le siitia ao le tau o taumafa ma isi mea uma ia e faiā ma lo tatou soifua maloloina ma o tatou manava, e tatau ona avea ma atugaluga faamuamua mo faigamalo o loo i ai. Ua matou faailoa atu lenei itu ona afai tatou te le sauni, o le a afaina ai o tatou tagata e aunoa ma se puipuiga ma o le taunuuga-o le a afaina ai i latou ona o lea tulaga.  

A pa’ia loa le tau o taumafaga ma mea autu tau le tausiga o le soifua, o se malaga i le supamaketi-o se tulaga faatiga lea. O le selau tala e le taitai ona lava ai. Ma o le tulaga lena mo tagata e i ai a latou selau tala. O le toatele o tatou tagata faigaluega e le atoa se selau tala o a latou tupe e maua i le faaiuga o le vaiaso faigaluega-pe a uma ona e toesea lafoga uma ma tupe toe totogi mo faaunegatupe. O se soifuaga faigata ae o nei lu’itau ua tuuina mai ai ia i tatou se avanoa.

Atonu o se taimi lea mo i tatou mo i tatou e toe silasila i le tulaga o loo tatou i ai faatasi ai ma le matua una’ia o tatou tagata ina ia toto mea’ai i soo se mea e mafai ona latou totoina ai..

I totonu o le atunuu ua faamanuiaina ai tatou e ala i se laueleele lafulemu lea e mafai ona ola ai soo se mea tatou te tuuina atu i le elele, atonu ona pau lea o la matou tali atu.  Ae tatou te le’i o’o atu i lena mafaufauga, e lelei ona toe fai se tatou malaga faanatinatu i aso ua mavae. I le tele o tausaga ua mavae, sa avea faatoaga ma ivi-tu o le tamaoaiga o lenei atunuu. O lea matou te talanoa atu e uiga i le talo, popo ma le koko Samoa ma isi lava fua o faatoaga.

O se taimi uiga ese lea, o se taimi sa mafai ai e aiga i totonu o nuu i Upolu ma Savaii ona fai o latou faleoloa, faatau pasi mai le galueaina o fanua. Ioe-sa mafai ona fai na tulaga uma; aso o le taga koko ma le popo. Ae ui o lea, o ia aso ua leai ae o se mea o loo manatua ua mamao atu.

E ui lava ina afaina tele faatoaga ona o afā malolosi o taimi amata o le 1990 ma le faama’i talo na soso’o mai ai-o le pogai autu lea o le pa’ū  maulalo o le alamanuia tau faatoaga, ae o le faatalale o le malo tau le atiina a’e o lea vaega ua le maua ai se fesoasoani.

Ona o le itiiti o oloa e auina atu i fafo, o lea ua matua faalagolago ai lenei atunuu i luga o fesoasoani tau tupe, tupe e auina mai ma tupe foa’i, atonu ua galo foi ia i tatou le avea o i tatou ma malo tutoatasi tau upufai.

Ua leva ona tatou iloa e o’o mai i le aimi nei e faapea tatou te manaomia le toe faaolaolaina o le tatou alamanuia tau faatoaga. O ni taumafaiga mo lea itu ua faaalia i le taimi nei i totonu o le polokalame o le talomua a le malo –e ese ai mai isi lava atiina a’e.

O le fausia o ala galue, poo auala e tau atu ai i faatoaga, ua uma foi ona ta’ua e le malao e avea ma se tasi o ala e siitia ai le faiga o faatoaga. Ae peitai-fai mai le toatele o faifaatoaga- e le o taitai ona lava lea faiga. Latou te manaomia ni faatosina. Latou te manaomia ni tupe e fesoasoani ai i tau mo nisi o mea taua e pei o mea faalelei eleele, fatu laau , mea faigaluega tau faatoaga ma isi lava mea, ia e toatele le aufaifaatoaga latou te le gafatia. 

Atonu e sa’o i latou e uiga i mea faatosina. Ae o le mea lenei e fia faailoa atu, e le o faalogo le malo  ma o taunuuga o loo i ai mo tagata uma e silasila i ai. Atonu o tagata faifaatoaga-faapea foi ma i tatou-e tatau ona sui la tatou silasila. E ese ai mai le tilotilo i le Malo e uiga i le mea e tatau ona ia faia, e a pe a mafaufau i luma mo tatou aiga ma i tatou lava? E leai se faamaoniga e faapea o le tau o le soifuaga o le a toe faaitiiti, i soo se taimi vave.

O le itu e lelei ai mo i tatou i Samoa nei, o loo i ai pea le faamoemoe-a itiiti mai –pe a pa’ia taumafa. E ese ai mai le tele o isi atunuu tau ati a’e ma tulaga lona tolu i le lalolagi, o latou tagata ia ua faagasolo nei e aunoa ma se mea, e tele a tatou mea e sui a’i-ia e mafai ona tatou tua i ai i taimi faapenei. Tatou te mafai i taimi uma ona faamoemoe i le talo, taamua, ‘ulu, fa’i, manioka, ufi ma isi lava fua o faatoaga. Toetoe lava o aiga uma o Samoa e i ai a latou itugia o laufanua mo fualaau fai-sua, faatoaga itiiti, poo laau e i ai o latou fua ia e maua ai se ituaiga o le tausiga pe a fita le malaga.

.O loo i ai foi le laumoli lelei ua leva, poo lau o le laau o le tipolo poo le koko Samoa e tua i ai pe a tatou le gafatia le tau o le kofe, ti, milo ma le koko. 

O alii ofisa tau e Soifua maloloina ua leva ona latou taulagi mai mea e lua o le soifua maloloina ma faamanuiaga tau tamaoaiga e sui ai a tatou lava taumafa, aemaise ai lava fualaau fai-sua ma fualaau aina e pei o esi, mago, vi, kuava, poo moli ma mea faapena.

O le taimi nei-o se taimi lelei lea e fausia ai ia fe’au tau le soifua maloloina, e le gata mo lo tatou soifua maloloina, ae atonu i le tele lava o itu, aemaise ai lava le lumana’i o latalata mai, atonu tatou te le maua ni mea se tele e filifili ai. E ono mafai ona faapea ona pau ia o mea o loo ia i tatou, tatou te gafatia.

By Faaliliu e Seagaitumua Tupuola 03 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>