Ua faatau atu le Bluesky i se kamupani Fiti e lagolagoina e le Malo?

Tusia Lanuola Tusani Tupufia ma Faaliliu e Seagaitumua Tupuola ,

160 Hits

Aoe’e Adolfo Montenegro.

Aoe’e Adolfo Montenegro.

O le Bluesky Samoa e ono vave mai se taimi e pulea atoa ai e se kamupani o loo lagolagoina e le Malo o Fiti, o le  Amalgamated Telecom Holdings (A.T.H).

Ua mafua lea ona o se faaiuga a le Amper, le kamupani lea e faamautu i Sepania-lea e faagaoioia le Bluesky i totonu o le Pasefika, e ulufale atu i totonu o le feagaiga e “faatau atu ai lana pisinisi o i le Pasefika i Saute i le A.T.H. E tusa ai ma lipoti, o lenei feuiuiaiga ua faamoemoe o le a tapunia i totonu o le isi tolu masina. Sa le mafai ona maua mai ni manatu faaalia mai le Pulega o le Bluesky i le taimi o talanoaga ma nusipepa.

O se imeli na auina atu i le Ofisa Sili  o Pulega  o Aoe’e Adolfo Montenegro i le Aso Faraile sa le maua mai ai se tali. E faapena foi le Bluesky Samoa’s Country Manager, o Alex Abraham, e lei tali mai foi i fesili na auina atu i lana imeli. 

O le Amper na te pulea le 75 pasene o le Bluesky Samoa. O le isi 25 pasene e pulea e le malo e ala i le Unit Trust of Smoa (U.T.O.S). E pulea foi e le U.T.O.S. le 26 pasene o le Bluesky Pacific Holdings Limitged.  Sa fesoota’i atu i ai mo se manatu faaalia, na faamaonia e le Ofisa Sili o Pulega o le U.T.O.S., o Sau Justina Sau, e faapea ua latou iloa lipoti. “I le taimi nei, e le mafai ona matou tuuina atu soo se faamatalaga e uiga i lenei mataupu,” o le faaaliga lea a Sau.  “Seia vagana ai le faailoa atu e faapea faatoa matou iloa ina ua imeli mai Ofisa Sili o Pulega o le Bluesku Pacific-ia i matou i le Google Alert ananafi (Aso Tofi).”

E le’i faamalamalamaina mai e Ofisa Sili o Pulega.

.Ae peitai-o lea feagaiga na faailoa mai i totonu o se pepa tau Faalauiloa a le Maketi, o le aso 30 o Iuni 2016, mai le kamupani e pulea e Fiti o le Amalgamated Telecom Holdings.

E tusa ai ma lea faasilasilaga,na saini e le Amper S.A. le A.T.H se Tusi o le Faamoemoe a le noatia ai ina ia maua uma aia tatau tau pisinisi a le Amper i totonu o le Pasefika i Saute.”.”O le ofo a le A.T.H.e faavae i luga o le Tau o le Pisinisi i le E.B.I.T.D.A le tuufaatasi o le 6x lea e noatia i le taunuu o le faamaoniga o le loto faamaoni, fesuiaiga e masani ai mo aitalafu ma ma ulua’i faamaoniga a le pule, laisene ma faatagaga,” na faaalia i totonu o le pepa. 

Sa manatu itu auai o lenei feagaiga o le a faamae’aina i le vaitaimi tonu e tolu masina, ae noatia i faamaoniga uma e talafeagai tulafono ua faamaonia ma maliega ua maua mai. I vaitaimi amta o le tausaga talu ai, sa faalauteleina e le Bluesky Group lana sootaga i totonu o le Atu Kuki ma faaaoga ai le Telecom Cook Islands e avea ma ana galuega e sili ona fou. .Na taofia e le malo o le Atu Kuki lana 40 pasene o lana pule i totonu o le Telecom Cook Islands.

O le Bluesky Communications na faavaeina i Amerika Samoa i le 1999 ma faalauteleina ana galuega i Samoa i le 2011 faatasi ai ma se ofo faamanuiaina i le pulea toatasi o le Samoa Tel. Na maua e le Bluesky le Pacific Island Cable i le 2009 ma o ia e tuuina atu auaunaga tau televise e alu i uaea tetele i Samoa ma Amerika Samoa e ala i le Moana TV. O le kamupani paaga a le Bluesky, o Amerika Samoa, Hawaii Cab le LLC e maua ai le sootaga ma le uaea tele o fesootaiga e taoto i le sami ma maua ai le fesootaiga i totonu o le atgunuu i le 2009. O lea vaega na maua e le Landia Croup i le 2006 ma i le taimi mei ua ave ma vaega o le Amper Group. 

E uiga i le A.T.H. 

O le  A.T.H o se Vaega lea o Kamupani e aofia ai le A.T.H, Telecom Fiji Limited, Vodafone Fiji Limited, FINTEL, Fiji Directories Limited, A.T.H Kiribati Limited ma le Datec (Fiji) Limited. 

O le A.T.H o se kamupani a le malo o loo lisiina i luga o le South Pacific Stock Exchange ma o le kamupani lea o sootaga autu tau fesootaiga a Fiti ma o se kamupani e pulea,  e ala i tupeteu faafaigaluega ma aiaiga tau auaunaga tuusa’o i se vaega tele tau fesootaiga ma auaunaga e faasino i ai i le maketi atoa a Fiti. 

O le Fiji National Provident Fund o le fai sea aupito i telē lea i totonu o le  A.T.H.

© Samoa Observer 2016

Developed by Samoa Observer in Apia