TA’UTINOGA A SAGATO AOKUSITINO-OLA FAATA’ITA’I IA KERISO - E UIGA I LE LEAI O SE AOGA O VIIGA O LE LALOLAGI NEI

By Fuimaono Na’oia Faasavalu Touli F. Tupua 03 July 2016, 12:00AM

“Lo’u atalii e-ia e taumafai i le mea sili e te mafaia, pe a e vaai atu i isi- ua aloa’ia ma faaaloaloina-ae ua inosia oe ma faatigaina! Ia e tuu mai lou loto ia te A’u o i le Lagi-ona avea ai lea o le faatautala o le tagata i le lalolagi nei-ma mea e te le faanoanoa ai.

Le Alii e-ua matou tauaso-ma ua vave ona faaseseina e mea e leai se aoga. Afai ou te vaai ifo i totonu ia te a’u-e leai se su’esu’ega na fai ia te a’u e so’o se tagata-ma o lea ua leai ai se mafuaga o ia te a’u- ou te faaseā ai i ou luma. Ae talu ai le tele o taimi na ‘ou agasala ai i lau Afio-o le pogai lea ua faasaga-tau mai ai tagata uma ia te a’u.

O le mea lea-o lo’u le mautonu ma le faatautala- ua pogai ai, ae o lau Afio lava le Alii e -ou te tuuina atu i ai le viiga ma le faane’etaga. Ua le mafai ona faatumauina i totonu ia te a’u- le filemu ma le malosi-faapea foi ma le agaga faafouina atoatoa- ina ia mau faatasi ma Lau Afio!

By Fuimaono Na’oia Faasavalu Touli F. Tupua 03 July 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>