Manatua pea e le Palemene Sui tuai o le Maota

Tusia Lanuola Tusani Tupufia ma Fa’aliliu e Maiava ,

572 Hits

Vaeolenofoafia Tapasu Leung Wai, Leota Leuluaialii Ale and Tuala Tiresa Malietoa

Vaeolenofoafia Tapasu Leung Wai, Leota Leuluaialii Ale and Tuala Tiresa Malietoa

Na tu-tula’i filemu le Palemene i le taeao o le Aso Lua, e aloa’ia ai ma manatua nisi o sui sa tautua i le Maota o Samoa, ua fai-i-lagi le folauga. 

Na fa’atino lea sauniga i le nofoaga le-tumau o le Palemene i Tuana’imato, ina ua toe usuia le Fono mo le ulua’i taimi, talu mai le fa’atautoina o sui o le Maota i lana feiloa’iga muamua. 

O sui-faipule tuai sa manatua i lea sauniga, e aofia ai Vaeolenofoafia Tapasu Leung Wai, o Tuala Falenaoti Tiresa ma le sa avea muamua ma fofoga fetalai o le Maota, o Leota Leulua’iali’i Itu’au ‘Ale. 

E le’i ‘auai le Ali’i Palemia i le fonotaga lea, ona sa i Papua Niu Kini mo le fono a Malo Aferika, le Atu Keripiane ma le Malo o le Pasefika.

O le Fofoga Fetalai, le Afioga a Le’aupepe Toleafoa Fa’afisi sa fa’aleoina lea fa’aeaea mo sui ua maliliu. Sa ia momoli fo’i fa’amaisega ma fa’amafanafanaga i finagalo mafatia o aiga o sui-tuai o le Palemene ma fa’afetaia ai i latou mo lo latou sao taua mo le tautuaina o le Malo o Samoa. 

O Vaeolenofoafia, sa avea ma Sui Faipule mo le Itumalo o A’ana Numera 3, mai le tausaga e 2006 – 2011.

Sa avea o ia ma Minisita Lagolago o le Matagaluega a le Palemia ma le Kapeneta.

O le Afioga a Tuala Falenaoti na ulufale i le palemene i le Aso 14 o Me 1996 e o’o i le 2001, o ia o le Sui Faipule o le Itumalo o Gaga’emauga Numera 2. Sa avea Lana Afioga ma sui o Komiti ‘ese’ese a le Palemene.

O le Afioga a Leota na ulufale i le palemene i le tausaga e 1970 ae na pa’u i faiga palota tele o le 1996.

© Samoa Observer 2016

Developed by Samoa Observer in Apia