Faaalia le mitamita o Tamaiti A’oga i le faamamaina o Samoa

By Lanuola Tusani Tupufia 03 June 2016, 12:00AM

E tofu lava tagata uma ma le faiga e auai ai-i le faamanatuina o le 54 Tausaga  o le Tuto’atasi. Mo tamaitai o le Middle School Pesega, na latou malolo mai le potu a’oga ananafi ina ia mafai ona o atu e faamamā le malae taaalo i Tuanaimato a’o lei amataina sauniga faamanatu ananafi.

O tamaitai a’oga ia o loo i le tausaga 7 e o’o i le tausaga 9 i le a’oga e tasi o le ‘middle school’ na fai lo latou sao i le auai i le saunga faamanatu- e ala i le faamamaina o le otaota ma vao sa sosolo solo ai. Fai mai Lisalow Uili- o lo latou sao lenei i le faamanatuina o le tuto’atasi.

“Sa matou faia foi lenei galuega i le tausaga talu ai i le Malae i Tiafau,” o le faaaliga lea a le faia’oga. “O se fuafuaga lea tau galuega mo le Aso o le Tuto’atasi ma ua leva ona matou iinei talu mai le taeao e faamama le malae ma tae le otaota.

“O se faiga lelei lea mo tamaitai a’oga ina ia mafai ai ona auai i le Tuto’atasi ma latou te faatauaina lea Solo- ae le ona pau lea o le faiga e avea ai ma vaega o lea sauniga.” E sili atu i le selau tamaiti a’oga mai a’oga eseese, faalapotopotoga ma matagaluega a le malo o le a savavali i Tuana’imatou e faamanatu le sauniga o le 54 Tausaga o le Tuto’atasi i le asō.

By Lanuola Tusani Tupufia 03 June 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>