O le galuega fa’atasi a le tamā ma le tinā

Tusia Fetalai Tuilulu’u ma Aruna Lolani ,

89 Hits

Fa’amuamua lava le aiga le tamā ia Felise Felise o Falefa.

Fa’amuamua lava le aiga le tamā ia Felise Felise o Falefa.

O le aso ananafi na maua ai e le Fofoga o Samoa le fa’atalatalanoaga ma le tamā i a Felise Felise, 36 le matua o le soifua o Falefa.

Sa mauaina le fa’atalatalanoaga ae o lo’o feagai ma ona tiute masani o le tapenaina le fanua ma fa’amama lona maota. 

 “Ia o le taimi fa’atoa taunu’u mai ai i’inei e maua i le mea fo’i lele e leai se gasē  aua o le taimi lea e leai ni tagata.

“Ua atoa foi nei le tausaga o matou omai i nei ona o le atina’e lava ae le gata i lea o le vaaia foi o le matou fanua lenei. 

“O galuega faia ma mea uma o lo’o fai nei e mo le fanau lava. 

“O aso nei e lē aoga le tele o le tala ae le aunoa ma le fa’atino, ia iai lava le loto tausi aiga ae le gata ae o le a’oa’oina foi o le fanau ina ia iloa lelei le olaga o lo’o iai matua i lenei vaitau. 

Ia a’oa’o le tama e tusa ma ona ala

 “O lenei ua sau le mau tagata, ia ua matua’i tele lava o fa’afitauli ua i ai aemaise o le fa’aleagaina ai o le tele o meatotino, o le ‘onana solo talavou  i luma o le auala.

“O tupulaga talavou o lenei vaitau ia ua faigata lava, e pei ona outou silafia taulele’a e to’alua na lavevea atu i le agaese i’inei, ia e pei o le tasi lea o pine fa’amau o la’u tala.

“Ia o lo’o taumafai lava e fa’asoa atu ai le Upu a le Atua i nisi o tupulaga talavou ina ia fanaufouina o latou agaga.

“E le gata i lea ia ave’ese le ‘onna ma lafolafo upu ona o lo’o i ai fanau teine ma tamaiti laitia , ia o nisi taimi ia ua sau upu e le talafeagai.

O le a se tali i nei fa’afitauli?

“O lo’u iloa o a’u ia aemaise ai tupulaga talavou o lo’o o latou tagofia  le ava ma fuala’au fa’asaina, ou te iloa lava e a’u ia ona o le le lava o le a’oa’oina a matua.

“O nisi o matua ua avea aso fa’apitoa po o Aso Sa fo’i ma aso e pei ua inu ‘ava ai ae le masani mai ai le olaga fa’a-Samoa.

“E tatau lava i matua ona avatu upu e tomatau ai le mafaufau o le tamaititi i le Ali’i,.

 “E taumafai i taimi uma i afiafi ona aumai fanau tu’uina atu ai se upu  ina ia fa’apena ona alualu i luma lo latou ola.

“O le tamaititi e malosi i le Ali’i e leai ni ona uiga fa’apena e iloa ai, a i a te a’u ia , o tamaiti lava ua talitonu ma fa’amaoni i le Atua o i latou ia ua talia le Upu a le Atua.

“O nisi o tupulaga ua tele ina  pule i le ola ma e tasi lenei tulaga ona o lo’o ua maitauina e pei ona fai mai le palemia ua i ai le aia tatau a le tamaititi.

“E sa’o, ae o le matua e mafai ona ia fa’asoa le lu’i i lana fanau ina ia fa’apena ona alo ese mai fuala’au fa’asaina ma le ava.

“A lelei le matua , e leai se mea e tagofia ai le tamaititi vaega ia, a avatu le talavou fautuaga ae le mafai lava le olaga, o lona uiga e le’o lea talavou le alofa o matua , e le’o i a te ia fo’i le alofa o le Atua.

“Ia o lenei vaitau e alofa lava le Atua i aso uma, ae o tatou ia e pei ua leai lea tulaga.

© Samoa Observer 2016

Developed by Samoa Observer in Apia