O le fa’afaileleina o fanau e taua tele

By Aruna Lolani 03 May 2017, 12:00AM

O le tuite po le galuega o le tamā e taua tele i totonu o so’o se aiga, nu’u ma le ekalesia, e ala lea i le faia mea uma mo lona aiga, a’oa’o le fanua e tusa ai ma ona ala ae maise foi ina ia ola e tusa ai ma le olaga o lo’o ola ai nei Samoa. 

O le agasala foi le tamā e le galue malosi ma leiloa fai le fa’atatau.  

 O le talitonuag lea mai le tamā ia Lemusu Pulepule o Solosolo le aso ananafi. 

I le lā fa’atalatalanoaga ma le Fofoga o Samoa le aso ananafi sa ia fa’amanatu mai ai le a’oa’o le fanau e tusa ai ma le olaga ua iai nei. 

“E le’o na’o le tele le tala, ae ia savali i le tala ma fa’amatalaga. O lana lea tala i le Fofoga o Samoa. 

“Ioe, o aso nei e seasea tatou fa’alogo le taua o tinā ae o lo’u iloa lava o tamā e sili atu ona tele le aoga. 

“Ou te le fa’apea atu e leai se taua o tinā ae o tamā lava o lo’o fa’amoemoe  ia le tele o aiga, aua foi e iai nisi o tiute ma feau e le gafatia e tinā ona faia.

“O nisi o feau e le faia e tinā o le faotga ma le o le mauamaga pei foi la ona maua mai lenei itula o le aso o lo’o faia ni feau e na’o tama lava e mafai ona faia. 

“O a’u mo le silafai ou te matai i nei si o matou nu’u, o lo’o lelei lava la mea uma i totonu si o matou nu’u o lo’o lelei faipule ma ona tulafono ma e filemu lava si o matou pitonu’u. 

“E leai ni vevesi aua foi o lo’o ia tulafono e puipuia ai nu’u ae maise o le tausi filemu. 

O le maua ai le fa’atalatalanoaga ma le tamā o lo’o gafa ma le la’uina mai o launiu o lona faleo’o. 

“Ia pei ona silasila mai e le gata i le tausina o le nu’u ae o le tausiga foi o aiga, ia o le fanua o lo’o aooga uma, o le maumaga  lava e fa’amoemoe ai ma le fesoasoani tele mai o se tasi o ma atalii matua i atunu’u mamao i mea fai. 

“O lo’o sologa lelei mea uma o i foi e lelei ai le fa’asoa ma le loto aiga o tamā.

“A le aunoa foi ma le fa’amoemoe le Ali’i e leai se mea e maua ma se filemu. 

“E o lua foi le fa’amoemoe le ali’i ma le galue malosi ma le fa’alagolago i le atunu’u.

“O so’o se galuega lava ete faia e ao ona fa’amoemoe le Atua ma avea lea ma auala e maua ai le fiafia ma le lelei o mea uma.

By Aruna Lolani 03 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>