Fa’ae’e le suafa ‘Va’afusu’aga’ i le Ta’ita’i o le Manu Samoa Ta’ito’afitu

Tusia Ilia L Likou ma Fa’aliliu e Maiava ,

365 Hits

MANUIA LE NOFO: Va’afusuaga Tupuola Masunu Talapusi

MANUIA LE NOFO: Va’afusuaga Tupuola Masunu Talapusi

O le fa’ai’uga o le vaiaso talu ai, na fa’ae’eina ai le suafa ‘Va’afusu’aga o le Afio’aga o Sa’asa’ai i Savai’i, i le Ta’ita’i-‘Au o le Manu Samoa Ta’ito’afitu, o Tupuola Masunu Talapusi.

Se mau fa’amanuiaga ma fa’alae’i’Au na tiu ai Va’afusu’aga mai lona aiga, le nu’u ae maise le anoanoa o le itumalo sa ‘auai, aua lona fa’amoemoe.

Ina ua fesiligia e sui o le Samoa Observer ona o le fa’aaloalo ua mapu’e atu, na saunoa le Ali’i, ua fa’afiafiaina lava ma talia ma le agaga-fa’afetai lea fa’aeaea a lona aiga.

 “Fa’afiafiaina lava ina ua va’aia le aiga atoa i lenei aso, e aloa’ia lenei fa’aaloalo maualuga ua faia, ma o se aso fa’apitoa ma tulaga-‘ese i lo’u tagata,” o lana saunoaga lea. 

“O le fa’amoemoe lava lea, ua tusi-a’ao lo’u aiga e avea o se ta’ita’i e tautua mo le aiga, le nu’u ma le atunu’u ma o le fa’amoemoe ‘autu lea, o le nonofo fealofani, ia soifua fifilemu ma fiafia tagata uma, o le ‘auga lea ma le maopoopoga o aiga. 

“Ioe, ‘ou te fa’afetai ma talia lelei lenei fa’aeaea, ui ‘ou te malamala lelei, e le o se tulaga faigofie le avea o se sa’o o se aiga, ae tatalo i Le Atua e Ana le Malosi uma, ia fesoasoani mai i lo’u vaivai.”

 Na mae’a le fa’apa’iaga o le nofo, ona alo ai lea o le nofo-fou ma aiga, i aga masani fa’aleAganu’u mo fa’amoemoega maualuluga fa’apea.

Alo i ou faiva-manaia ma ia Manuia tele le Nofo!

© Samoa Observer 2016

Developed by Samoa Observer in Apia