O LE MAU A PULE-THE MAU MOVEMENT-

Tusia Fuimaono Na’oia Faasavalu Touli F. Tupua ,

307 Hits

Fiame Mataafa Faumuina Mulinuu ma Cobbe

Fiame Mataafa Faumuina Mulinuu ma Cobbe

Fai mai Cobbe -e le faapea ua na iloa mea uma e uiga ia Samoa ma o lea ua mana’o ai na te fia tuuina atu ia Faumuina ni fesili. “O a ni faamoemoega o le Mau, o le a le mea e mana’omia e le Mau? 

E le’i faailoa maia e le Mau ia te a’u pe o a o latou faamoemoega,”o le tali lea a Faumuina-“e pau o le mea na latou talosaga mai ai ia te a’u-ia faailoa atu ia te oe-“ e le mafai ona tuua le Mau.”

O le mea o loo o’u fia iloa-pe o le a le mea o loo mana’omia e le Mau? O a ni ona faamoemoega, o le a le mea o loo tauivi i ai?  “E le mafai ona ‘ou tali atu, talu ai –e le’i tuuina mai e tagata Samoa ia te a’u le tali.”

“Ua ‘ou iloa lelei -o Faumuina- o se tasi lea o ta’ita’i o le Mau, o ia foi o le fofoga  o le Mau,” o le faamatalaga lea a Cobbe. “E tatau ona ia iloa mea uma e uiga i le Mau, ae ona o lo’u faatamala -ua ala ai ona ‘ou fesili ia te ia ina ia faailoa mai ia te a’u poo a fuafuaga a le Mau ma le mea e manaomia e le Mau.

“O a’u o le ta’ita’i o le Mau e tusa ai ma le mana’o tagata Samoa, ae peitai-e leai se mea e ese ai a’u ma le ‘laau e ta ai pese’. A latou viliina le laau-pese-ona tautala mai lea. “Ioe, ae matou te manana’o ia tautala mai le laaupese.”

Fai mai le laaupese ou te fai atu –e le faamutaina le Mau. “E sa’o a’u pe a ‘ou fai atu e le o iloa e ta’ita’i o le Mau le uiga o le Mau, ma latou te le iloa foi pe o a faamoemoega o le Mau?

E tatau ‘ea ona ‘ou auina atu se fe’au i Niu Sila- e faapea e le o iloa e ta’ita’i o le Mau pe o le a lea mea? “Ana faapea ua faatagaina a’u ona ‘ou tautala atu-semanu ua ‘ou faailoa atu, ae peitai-e le’i faatagaina a’u e tagata o Samoa ia faapena ona ‘ou tautala atu.” 

“E mafai la ona ‘ou faapea o le Mau-o se faalapotopotoga,” Fai mai Cobbe –“Ua saunia la le Mau  na te usita’ia le tulafono?”  “E le’i tuuina mai e Lana Afioga i le Kovana lena mataupu i o matou luma- matou te talanoa i ai, ma matou te le’i talanoaina lava lena mataupu e o’o mai i le taimi nei.

“Ae peitai- i le avea ma Minisita o le Malo ma o se sui usufono o le Malo o Niu Sila-o lea ua ‘ou fesili atu ai ia te oe  o le fofoga o le Mau, “pe ua outou nofo saunia e usita’ia le tulafono pe leai”? O se fesili faigofie lena e faigofie ona tali.:”

“Ou te le o iloa manatu o le Mau. Latou te le’i faailoa maia ia te a’u., latou te le’ifesili mai foi ia te a’u e tusa ai ma lena mataupu. Latou te lei talanoaina lava lena mataupu. “O le mea moni-ana faapea o Faumuina o le Fofoga o le Mau ma o lo latou sui, semanu na te silafia pe “o le a fausia ma usita’ia e le Mau le tulafono pe leai”.

Ou te le toe fia alu atu i Niu Sila ma faailoa atu o le Mau -o se faalapotopotoga na te le usita’ia le tulafono. O ona taunuuga -e matua mata’utia lava, ma ou te manatu e tatau ona ia te a’u se tali sa’o. “E te finagalo malie ae tuu mai matou- se’i fai se talanoaga pe o le a le tali -e tatau ona matou tuuina atu i lea fesili?

O le talosaga lea a Faumuina. Sa teena e Allen e faapea- ua leai se taimi talu ai o Cobbe e tatau ona toe fo’i atu I Niu Sila i le faaiuga o le vaiaso, ae na malie e toe tolo le fono i le aoauli. O tali a Faumuina- na atagia ai le uiga faa-temokalasi maoa’e o le Mau ma lona ta’ita’iga tuufaatasi.

O Tupua Tamasese Lealofi III lea ua tu’umalo, e la’ititi i lo Faumuina-ua leva ona tapena e faailoa atu i luga o ia taitaiga, ae sa masani ona saunoa e aunoa ma le lagolago atoatoa a i latou sa i ona tua. O Faumuina e le o se ta’ita’i faapena.

Ua na umia se galuega e ta’imua ai i le Mau-talu ai o le tulaga lena sa faamoemoeina mo ia –i le avea ma se tasi o loo umia se suafa maualuaga. E le o se alii e tete’e i le faa-Samoa, ae faatino e Faumuina ona tiute e pei ona mana’omia ai o ia,ae manino mai- e leai ma sona uiga losilosi.

I lea lava aso-o ana tali na faaalia ai se faatiga faale-tagata i lo le faatiga faa-polokiki; talu ai le faifai malie o laasaga o le fono-ae o lona alo tama matua, ua luasefulu tausaga, ua vaivai lona ma’i.ma maliu ai i le Aso To’ana’i.

O le fono i le aoauli na tatala aloa’ia a’o afio Faumuina ma toto’o lona ao i ona aao ma tagi -e aunoa ma se leo. Na faailoa e Tuimalealiifano i le fono le maliu o le alo o Faumuina. “Na ou faailoa atu lena mea,’o lana saunoga lea.”ona o se mea lea ua faanoanoa ai tele Faumuina; sa galue o ia e avea ma ta’ita’i poo se sui auai o le Mau, ae ua matua faanoanoa lava o ia-ona o lea tulaga faanoanoa ua tupu mai.

O Cobbe lea ua maliliu ona atalii e to’alua, sa auai ma Blake ma Allen e vave faailoa atu ia Faumuina o latou faanoanoaga- ona o lea faalavelave.

“E ui lava ina tatou faanoanoe ma tagitu’i ona ua aafia Faumuina ma lana Masiofo i faanoanoaga,” o le faaaliga lea a Allen, “ae ou te lagona o mataupu o loo tatou faatau aafia ai- e matua sili ona taua mo i tatou –ma faapea ai e faataatia ese-tusa lava pe o tatou auai i lenei faalavelave, ma ou te lagona-e tatau ona faaauau pea a tatou galuega e ala i lo tatou fono faatasi.

Sa faagalo e Faumuina lona faanoanoa ae faatino loa mataupu o loo fia talanoaina. Fai mai a ia o le Mau na te le faatupuina ni faalavelave pe faamata’u tagata, ae o le mataupu i le sii-lima mai o tagata o le Mau o loo manaomia e le Tulafono- e le toe faamalumalu le Mau ia i latou.”

Afai tou te poloaina i latou ina ia o mai-o le a o mai.”O le itu i fuafuaga a le Mau, sa faatepa e Faumuina Cobbe i ni talosaga se tolu ua uma ona auina atu i tausaga ua mavae. Na ia lu’iina pe faamata o le a usita’ia tulafono.

O le tali a Faumuina,”Matou te le solia se tulafono pe a faamalieina I matou e tusa ai ma lea tulafono, ae matou te soli tulafono pe afai e le faamalieina ai I matou…..Atonu ua outou iloa lelei afai matou te teena le tulafono faatonutonu e faasino i lafoga-talu ai e le o faamalieina ai i matou.

Ua silafia lelei e Lana Afioga lena tulaga. Matou te matua teena lafoga-talu ai e le o faamalieina ai i matou. E le solia e tagata Samoa soo se tulafono pe afai latou te maua le mea na latou talosagaina-pe afai latou te maua le mea latou te manaomia-ona latou le solia lea o soo se tulafono.”

© Samoa Observer 2016

Developed by Samoa Observer in Apia