Tusia - Mata’afa Keni Lesa

Faaliliu e Seagaitumua Tupuola

E ao ina tatou matua faamaoni lava iinei. O nisi tagata ua avea ma tagata malie. 

E te manatu o se aso e tasi mai le Faiga-Palota Lautele –ina ua mavae faatosina i totonu o nusipepa e aofia ai ma faatosina e le mafai ona faitauina i le Televise, leitio, online ma polokalame a nusipepa na faaalia manino ai mea e tusa ai ma le tulafono ma mea e le tusa ai ma le tulafono- lea ua tatau ai ona latou aoaoina se mea e tasi pe lua i le taimi nei. 

Ae peitai-o lea tulaga e foliga mai o loo matua mamao, mamao ese lava mai mafaufau o nisi tagata. 

Fai la ma faataitaiga le mataupu i sui faatutu o loo aveina tagata palota if ale palota. 

Mo ni nai vaiaso ua mavae atu, sa faatinoina e se vaega a le Ofisa o le Komesina o Faiga Palota mea uma latou te mafai ona faailoa mai i totonu o ni faaupuga faigofie e faapea e le tusa ai ma le tulafono ona ave e sui faatutu tagata e palota. O lea tulaga e aofia ai se vaega tele o faalauiloa i totonu o nusipepa i le gagana Samoa ma le faa-Peretania, ia ua leva ona faalauiloa mo se taimi umi. 

Ae peitai o isi tagata – ou te le mautinoa pe logonoa pe faavalevalea-ua manino mai e matua le kea lava. Ia te a’u lava ia –e tele komiti na fesili mai ia te a’u pe ou te mana’omia se ti’eti’e i le fale palota. Afai e le lava le faatiga o lea tulaga, na latou fai mai foi e ui lava ina latou te le o faalaua’iteleina, o le a maua a latou mea’ai ma vai e maua i lea aso. 

E le na o a’ua ua ‘ou iloa lenei mea. Ou te iloa le toatele o tagata, tele o aiga ma tagata palota ia o loo feagai ma lea lava mataupu.  Ua ‘ou iloa o se matua faatiga lava i le mafaufau. O le manatu e faapea ua matua totoa tele nei tagata ma latou teena faalaua’itele tuaoi o le mea faale-tulafono ma le mea e le tusa ai ma le tulafono, ua matua le o’o lava i ai lo’u malamalama. 

Tama’ita’i e ma alii, ia ‘aua ne’i outou aveseseina a’u. Ou te iloa o faiga-palota o pisinisi leaga ma le palapalā

E tusa ai ma le tele o lo tatou mana’o mo se faiga-palota sa’oloto ma le amitonu mo tagata uma, e tumau lava ona i ai se tasi –poo nisi tagata-ia o le a taumafai e tulei tuaoi ma soli le tulafono ina ia maua ai le manumalo. O le faafitauli lena mo lenei taumafaiga. 

Ina ia fai le amiotonu i komiti tau faiga-palota ma sui faatutu, atonu o latou fuafua foi mo se mana’o e faae’e atu i o latou luga e nisi o tagata palota. 

Ia teu i le mafaufau o le faamoemoe o faiga-palota faa-temokalasi o se ala valalua lea. E aofia ai sui faatutu ma tagata palota. O le amio a sui faatutu e masani ona pulea e mana’oga mai sui faatutu..Mo le tele o tausaga, ua tatou iloa e faapea e tumau pea ona avea sui faatutu ma i latou e faia le unaiga ma le malosi o le tulafono mo le faimea pi’opi’o. Ae ui o lea-o tagata palota lava e masani lava ona sao ese ai. 

E leai se tulaga masalomia e faapea o se aofai o suiga i Tulafono Tau Faiga-Palota o le a manatua pea e avea ma se tasi o foliga vaaia o lenei faiga-palota. . 

Ae peitai- i le amata, sa tuuina atu foi e pulega se anoano o faamamafa i luga o tagata taitoatasi ma o latou tiute tauave i le atunuu e ala ia latou palota. 

O le mea moni , e tatau ona toalua e finau, e pei o le faaupuga ua leva. 

O nisi o sui faatutu mo le faiga-palota ma latou komiti atonu e faimea pi’opi’o ma isi lava mea ae o le toatele o i latou e na ona faailoa atu lava i le faaata o latou uiga mai tagata palota. O se itu e le tau faailoa atu, o loo talavou pea lo tatou temokalasi, e na o le 54 tausaga lona matua. 

Ua ia i tatou se ala umi e tatau ona uia i le itu tau le aoaoina o i tatou e uiga i le mea sa’o ma le mea sese. E tusa lea ma le ‘afa o le taualumaga talu ai e pei ona tatou vaaia i le tele o taimi, o le iloa o se mea ele faapea ua lava ai ma totoe lona lelei. Atonu ua tatou iloa mea sa’o uma ae masani lava ona i’u ane ua fai le mea sese. O le natura lea faale-tagata-o nisi tagata.

I le tatou taumafaiga e saili se mafuaga, masalo o lea tulaga ua faamatalaina ai le pogai ua amio ai faapea isi tagata ma toe avatu ai tatou i tua i le mataupu na faailoa atu muamua e uiga i le matua faaaoga sese o le tulafono ma tulafono e puipui a’i ma se taumafaiga malosi ina ia mautinoa ai o loo fai e tagata uma taito’atasi le mea sa’o.

O le itu taua o le manatua lea i le taimi nei e faapea o le amio ma uiga o aso nei e le’i tulai mai tala atu anapo. O se vaega lea o se faiga ua lona ona ati a’e ma tausi i le tele o tausaga ina ia mafai ai ona tatou iloa e faapea o le mea ua tatou vaaia i aso nei ua na o se faaauaina lea o se faiga.

O lea matou te talanoa atu e uiga i se faiga na afua mai ai faiga pi’opi’o, ma olaola pea e ala i le fulitua i mea faatauaina, faiga masani ma tulafono. Ua matua faafoliga lava i se tagata e ala i le tele o faiga-e aofia ai le ofo atu o se ti’eti’e i le taimi o faiga palota ae o loo iloa lelei o sea faiga e solitulafono. 

Ia outou maua Samoa se Aso Tofi o manuia, ma ia faamanuia atu le Atua!