Mana’omia le ‘Au-Taufaasesē

238 Hits

Nicolas Gianno ma Rosita Stanfield.

Nicolas Gianno ma Rosita Stanfield.

Tusia - Pai Mulitalo Ale 

Faaliliu e Seagaitumua Tupuola

 

Ua tuuina atu e le Faamasino Sili, Lana Afioga Patu Tiava’asu’e Falefatu Sapolu, ni tusi saisai mo ni tagata se to’alua ua faamaonia e nofosala i le faafoeina o se faiga tau faasese e gaosi ai tupe i totonu o Samoa. 

O le tusi saisai e faasaga ia Nicolas Gianno ma Rosita Stanfield na tuuina atu i totonu o le Faamasinoga Sili ananafi, ina ua le mafai ona auai i la’ua ia i le faamasinoga mo le taulaulauina o la faasalaga. 

O Gianno ma Stanfield, ia na taofia mai le tuua o Samoa ma saisai i le Malae Vaalele Faava-o-malo i Faleoloa i le tausaga talu ai, na faamaonia e nofosala i le maua o tupe i faiga tau faasese faatasi ai ma le toe faamaonia o le nofosala o Gianno e ala i faamaumauga sese tau tupe. 

O lea faaiuga na soso’o ma se suesuega sa faatinoina i le tolu masina talu ai. O le Loia o Leota Raymond Schuster na fai ma sui o i la’ua ua tuua’ia ae o Leone Sua Mailo, o le Ofisa o le Loia Sili, sa gafa ma moliaga. 

O Gianno ma Stanfield na molia faatasi ma Faatoafe Mati Silao i ni gaoioiga se valu na maua ai ni mea e ala i le tau faasese e tusa ai ma le Fuaiupu 172 o le Tulafono o Soligatulafono 2013..  Na molia foi Gianno i ni gaoioiga eseese se lua tau le faamaumauina sese o tupe e tusa ai ma le Fuaiupu 198 o le Tulafono. 

I le faaiuga o faamatalaga molimau mo le vaega o moliaga, na tuuina atu e le loia a le itu tete’e se mau e faapea e leai se mataupu e tatau ona tali atu ai e fai ma sui o le toatolu ua tuua’ia e tusa ai ma ia moliaga uma. 

O le faaiuga a le Faamasino Sili i le so 8 o Oketopa 2015 e faapea e lei se mataupu e tatau ona suesueina i le itu e pei ona tuua’ia ai Faatofe Mati Silao e tusa ai ma faiga soofaatasi e valu –o le maua mai lea o mea e ala i faiga taufaasese ia na mafua ai ona molia o ia.  

O ia vaega e faasaga ia Faatoafe na faaleaogaina ma le ta’usalaina ai o ia.

O le faaiuga foi a le Faamasinoga e faapea e leai se mataupu e tatau ona tali mai i ai e tusa ai ma tuua’iga o Gianno ma Stanfield e faasino i ni vaega se lua o le maua mai o ni mea e ala i faiga tau faasese lea na molia faatasi ai i la’ua. 

Ona totoe ai lea o ni vaega soofaatasi se ono tau le maua mai o ni mea e ala i faiga taufaasese e faasaga ia Gianno ma Stanfield ma ni mea ta’itasi se lua o faamaumauga sese tau tupe e faasaga faapitoa ia Gianno. I le tuuina atu o le faaiuga, fai mai le Faamasino Sili o Patu: “Ua ‘ou maua  o le ua tuua’ia o Mr Gianno ma Ms Stanfield –ua nofosala i la’ua e to’alua i moliaga soofaatasi e ono o loo totoe tau le maua mai lea o mea e ala i faiga tau faasese.

“Ua ‘ou maua foi o le ua tuua’ia o Mr. Gianno- e nofosala i ni moliaga eseese se lua tau faamaumauga sese o tupe.”

© Samoa Observer 2016

Developed by Samoa Observer in Apia