Manatu o le Fa’atonu - Ua leai ‘ea se tasi o lenei atunuu e mafai ona avea ma Palemia?

170 Hits

Tusia - Mata’afa Keni Lesa
Faaliliu e Seagaitumua Tupuola 

 

A ua toe o se masina mai le Faiga-Palota Lautele, o le peti saogalemu e faapea o le faiga-malo o loo faafoeina nei le atunuu a le Vaega Faa-Upufai e Puipuia Aia Tatau a Tagata (H.R.P.P.) o le a toe taliu mai e faafoe le malo.

A fua i lana pule aoao ma le aofai o sui faatutu ua lolofi atu e fai ma sui o le pati-e le faitauina ai Faipule o i totonu o le Palemene-ua faigata lava ona vaaia pe faapefea ona manumalo le Tautua Samoa Party e ui lava ina mafai e lenei atunuu ona fai se suiga i le taitaiga o lona malo. 

O le fesili e sili ona taua e ono faapea o a foliga poo le tino vaaia o tulaga tau ta’ita’iga a le H.R.P.P. ma foliga vaaia o le Kapeneta. I le lalolagi o polokiki, e leai se mea e igoa o se mea mautinoa ma ua uma ona tatou vaaia ni nai mea uiga ese, ia e mautinoa-o le a matua luluina ai teisi mea- e tusa ai ma le faatulagaina o le faavae o le paoa o le malo.. O le fesili moni e sili ona taua e faapea o le a foliga poo le tulaga o tofi tau le ta’ita’iga a le H.R.P.P. ma foliga o le Kapeneta

Faamata e toe fo’i mai Tuilaepa Sa’ilele Malielegaoi e avea ma Palemia? 

O le tulaga moni lena. E toe foi mai o ia. Ana leai-semanu e le tauva i le faiga-palota.

E ono mfai ona faapea o lona taimi mulimi;o lea e o ai na te iloa? O le finauga mataina o le tulaga lea o le Sui Palemia lea o loo umia i le taimi nei e Fonotoe Pierre Lauofo.  A toe tilotilo i le faiga-palota talu ai, e tele suafa sa tau’ai atu i totonu o le pulou ina ua nofoi le H.R.P.P. e silifili so latou Sui Palemia. O i latou sa filo ai o Fiame Naomi Mata’afa, Faumuina Tiatia Liuga, Tu’u’u Anasii Leota ma isi lava o sui sinia o le pati. 

O le taunuuga-na mafuli le palota ia Fonotoe.

Ae peitai-na lava sana tautua i le pati i le fagasologa o le lima tausaga talu ai na te taofia i lona tofiga? O le itu e sili ona taua o ai lea o le a la faafesaga’i i le taimi nei?  Faumuina? Lautafi Fio Purcell? Fiame? Papali’i Niko Lee Hang? Pe o le a matou vaaia ni foliga fou ua tulai mai le mea lilo na te umia lea tulaga? E mafai ona tupu soo se mea. 

A tatou mafaufau i ai, e anoano mea na tutupu i le faagasologa o taualumaga a le Palemene i le 2011-2015. O le vevesi na taulamua ai Faumuina Tiatia Liuga e tusa ai ma le suesuega a Alii Ofisa o le Palemene (O.P.C) o le a tele sana galuega e fai i le taunuuga o ia mea.E ui ina latou le ta’utinoina i se faiga tuusa’o, ae o loo tumau ona vaega eseese mai lea finauga lea o le a le faafuse’i ona toe fŏfŏ i se po e tasi. 

O le isi itu, tatou te le iloa pe o le a le mea ua tupu i lea vaega uiga ese e 23 tagata ia na sainia ni tusi se lua e aveese ai le Minisita o Tupe i lena taimi. Poo le a lava, ae o le amataga lena E faapefea pe a maua e Fonotoe ni nai numera e faatamo’e ai Tuilaepa mo le tofi Palemia? E matua le mafai ai lava, o le outou upu lena o le a fai mai? Ia- e le mafai lava ona tatou mautinoa, e mafai? A pa’ia loa matafaioi faa-Minisita o le Kapeneta, e matua moni ma faamaoni lea. Ma i le faagasologa o Faiga Palota Lautele e lua talu ai, sa matou vaaia le le fefe o Tuilaepa e fesuia’i tulaga ma tofi sui faatutu e aupito i sili ona talafeagai ai i nisi o galuega.

O loo i ai se finauga malosi e ao ona fai e faapea e toe tupu foi lea mea i le ausaga nei. O nisi o Minisita o le Kapeneta o loo i ai nei e ono le mafai ona taofia o latou tulaga ma nisi o nai foliga folu ua fuafua e faatinoina lea tulaga pe a faatauto le isi Kapeneta. 

O nisi o gaoioiga mai le Tautua Samoa Party e faasaga i le HRPP ua maualuga ai masalosaloga atonu o nisi o “tama a Tuilaepa”ia ua leva ona lagolagoina o ia mai le amataga-ia “ua o mai moni lava i le aiga.  O lo latou faamaoni e tatau ona tauia. Ma e ese ai mai le ta’ua o nisi o sui fou ia e lelei o latou avanoa e avea ai ma Minisita o le Kapeneta i lo latou ulua’i taimi poo le paeaiga muamua. E le gata ina agavaa nisi o i latou fou, ae ua tele tausaga o faamaoni pea i le lagolagoina o Tuilaepa. Ia-ua outou silasila la, alii e, e mafai lava ona tupu soo se mea. Ma o le a faatetele ai ona uiga ese a’o tatou latalata atu i le aso o le Faiga-Palota Lautele.

O le mea ua matou iloa e o’o mai i le taimi nei e faapea ua mae’a ona faate’i e le Palemia o Tuilaepa nisi o ana paaga e ala i lana filifiliga e toe tauva. O se tasi o i latou ia o se Faipule o le Palemene ua leva, o ia lea na matua faamaonia lona lagolagoina o Tuilaepa ina ia faaauau pea e avea ma Palemia i le taimi na saunoa ai lana saunoga mulimuli i totonu o le Palemene.

Na faaalia e Le Mamea e faapea o ia ma le Palemia o Tuilaepa sa talanoa e uiga i le paeaiga faa-Palemene o le 2011-2015-o le paeaiga mulimuli lea a le Palemene mo i latou. O le tali- e leai. Ae peitai, e le na o Le Mamea na faaalia ia faaupuga. E toatele tagata ua latou iloa ma o le mea moni-na faaalia e Tuilaepa lava ia e faapea atonu o laba paeaiga mulimuli lea mo le paoa.  

Ae paga lea-e le o le faaiuga lea. O le fesili la-ua leai ‘ea se isi lava tagata e ese mai ia Tuilaepa-o ia lea e mafai ona avea ma Palemia o lenei atunuu? O le mea ‘ea –o le a tatou molimauina nisi o fesuiaiga maoa’e i totonu o le fatu o le H.R.P.P.? Faamata e mafai e se tasi o i totonu o le H.R.P.P. ona saili se lagolago talafeagai ma ia lototele e lu’i le tulaga o loo i ai nei ma manumalo ai?  

Faafogafoga mai pea! 


© Samoa Observer 2016

Developed by Samoa Observer in Apia